Jóhann Maríus Einarsson
Jóhann Maríus Einarsson sjómaður, trésmiður fæddist 19. febrúar 1884 á Auðnum í Kálfatjarnarsókn á Reykjanesi og lést 11. mars 1974.
Foreldrar hans voru Einar Einarsson verkamaður í Reykjavík og á Grund í Hafnarfirði, d. 29. mars 1909 og barnsmóðir hans Halldóra Álfheiður Ásgrímsdóttir, síðar húsfreyja á Flankastöðum, Kvíabóli og Sléttubóli í Miðneshreppi, f. 22. febrúar 1854, d. 31. mars 1939.
Jóhann var með móður sinni og manni hennar á Flankastöðum á Reykjanesi 1890, 17 ára á Stafnesi þar 1901, á Bergi í Eyjum 1910, en átti þá heimili á Seyðisfirði.
Þau Þuríður eignuðust fjögur börn í Eyjum, en eitt þeirra fæddist andvana. Þau bjuggu í Skálholti við Landagötu 1920.
Þau fluttu til Reykjavíkur, bjuggu á Grettisgötu 52 1930.
Þuríður lést 1934 á Vífilsstöðum. Jóhann Maríus dvaldi að síðustu á Hrafnistu og lést 1974.
I. Kona Jóhanns Maríusar var Þuríður Auðunsdóttir frá Húsavík, húsfreyja, f. 28. sept. 1892 á Stokkseyri, d. 22. apríl 1934 á Vífilsstöðum.
Börn þeirra voru
1. Ólafía Petrea Jóhannsdóttir Thorlacius húsfreyja, f. 18. ágúst 1912, d. 9. september 2002.
2. Guðmann Hákon Jóhannsson verkamaður, garðyrkjumaður, leigubílstjóri, síðast í Mosfellsbæ, f. 12. nóvember 1913, d. 18. september 1967.
3. Haraldur Óskar Jóhannsson, f. 13. nóvember 1921, d. 17. maí 1953.
4. Andvana stúlka, f. 2. janúar 1917.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.