„Hrafn“: Munur á milli breytinga

Hjúskapur hrafnsins er einkvæni og hann finnur sér stað til hreiðurs í giljum, gljúfrum, klettum og úfnum hraunum. Hann gætir hreiðursins ávallt vel og heldur mikilli tryggð við það. Hreiðrið er byggt úr sprekum, spýtum, þara, lyngi, ull og fleiru. Hrafninn verpir snemma á vorin, í apríl og er hann oft fyrstur fugla til varps. Eggin eru 4-6, eggjaskurnið er blágrænt eða grænt með dökkbrúnum eða mosagrænum dílum. Ungarnir koma fiðurlausir og hjálparvana í heiminn en yfirgefa hreiðrið u.þ.b. 5 vikna gamlir. Ekki eru sérstakar nytjar af hrafninum. Hann nýtur þó mikillar virðingar hér á landi eins og sést í mörgum íslenskum kvæðum og þjóðsögum.