Hermann Árnason (endurskoðandi)

Hermann Árnason.

Hermann Árnason viðskiptafræðingur, löggiltur endurskoðandi fæddist 4. september 1942 á Faxastíg 13 og lést 17. janúar 2022.
Foreldrar hans voru Árni Guðmundsson, (Árni úr Eyjum) frá Háeyri, kennari, ljóðskáld, forseti bæjarstjórnar, f. 6. mars 1913, d. 19. mars 1961, og kona hans Ása Torfadóttir frá Áshól, húsfreyja, f. 1. október 1917, d. 29. janúar 2009.

Börn Ásu og Árna:
1. Katrín Árnadóttir kennari, f. 3. júní 1940. Maður hennar Kjell Friberg.
2. Hermann Árnason endurskoðandi, f. 4. september 1942, d. 17. janúar 2022. Kona hans Guðríður Friðfinnsdóttir.
3. Torfi Árnason, f. 27. febrúar 1953 í Reykjavík. Kona hans Ingibjörg Pálsdóttir.

Hermann var með foreldrum sínum, en faðir hans var lengi sjúklingur á Vífilsstöðum. Hann flutti til Reykjavíkur með móður sinni á ungum aldri.
Hann varð stúdent í Menntaskólanum í Reykjavík 1962, fékk löggildingu endurskoðenda 1970.
Hermann var skrifstofustjóri hjá Kísiliðjunni í Mývatnssveit 1966-1968, vann hjá Skattrannsóknastjóra í tvö ár, flutti til Akureyrar 1971 og stofnaði endurskoðunarskrifstofuna Bókend og rak hana alla starfsævi sína, og Guðríður kona hans eftir það.
Hermann var mjög virkur í Lionshreyfingunni, var m.a. umdæmisstjóri 1988-1989 og starfaði um skeið í stjórn knattspyrnudeildar KA.
Þau Guðríður hófu búskap, eignuðust fjögur börn.
Hermann lést 2022.

I. Kona Hermanns er Guðríður Solveig Friðfinnsdóttir húsfreyja, f. 17. janúar 1942. Foreldrar hennar voru Friðfinnur Ólafsson frá Strandseljum í Ögurhreppi, viðskiptafræðingur, forstjóri, f. 19. nóvember 1917, d. 7. júní 1980, og kona hans Halldóra Anna Sigurbjörnsdóttir frá Sveinsstöðum í Grímsey, húsfreyja, f. 14. nóvember 1916, d. 13. nóvember 1994.
Börn þeirra:
1. Friðfinnur Hermannsson viðskiptafræðingur, með meistaragráðu í stjórnun heilbrigðisþjónustu og lýðheilsu (EMPH), framkvæmdastjóri, ráðgjafi, f. 4. júní 1963, d. 17. apríl 2017. Kona hans Berglind Svavarsdóttir.
2. Árni Hermannsson viðskiptafræðingur, framkvæmdastjóri Loftleiðir Icelandic, f. 14. mars 1969. Kona hans Hildigunnur Smáradóttir.
3. Tómas Hermannsson bókaútgefandi, f. 16. júlí 1971. Kona hans Anna Margrét Marinósdóttir.
4. Jóhann Gunnar Hermannsson tölvunarfræðingur, f. 2. janúar 1980. Barnsmóðir hans Arney Vilhjálmsdóttir. Kona hans Berglind Ellý Jónsdóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 31. janúar 2022. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---