„Guðmundur Karlsson (Reykholti)“: Munur á milli breytinga

'''Guðmundur Karlsson''' fæddist í Vestmannaeyjum þann 9. júní árið 1936. Hann var alþingismaður Vestmannaeyja á árunum 1978-1983. Hann var kosinn af lista Sjálfstæðisflokksins í Suðurlandskjördæmi 1978 og var landskjörinn þingmaður 1979. Foreldrar hans eru [[Karl Magnús Guðmundsson] skipstjóri og útgerðarmaður, og [[Unnur Jónsdóttir]]. Guðmundur varð stúdent frá Menntaskólanum í Reykjavík árið 1953. Hann lagði stund á lögfræði um tíma, en gerðist svo verksmiðjustjóri hjá [[Vinnslustöðin|Vinnslustöðinni]] hf. og síðar framkvæmdastjóri fyrir [[Fiskiðjan|Fiskiðjuna]] hf. í Vestmannaeyjum árið 1967-1992. Guðmundur var í framkvæmdastjórn í Vestmannaeyjum fyrir stjórn Viðlagasjóðs á meðan eldgosið á Heimaey stóð yfir og síðar við hreinsun bæjarins af ösku og gjalli að gosinu loknu. Hann var framkvæmdastjóri fyrir Sölumiðstöð hraðfrystihúsanna í Tokyo í Japan, Iceland Sea-Products Co., Ltd., frá 1974 til 1975. Þá var Guðmundur formaður [[Eyverjar|Eyverja, félags ungra sjálfstæðismanna í Vestmannaeyjum]] 1965—1966 og [[bæjarstjórn|bæjarfulltrúi]] í Vestmannaeyjum 1970—1974.