„Blik 1962/Saga Ísfélags Vestmannaeyja, 3. kafli, síðari hluti“: Munur á milli breytinga

Fyrri hluta sumars 1933 hafði stjórn Ísfélagsins borizt bréf frá [[Þorsteinn Johnson|Þorsteini Johnson]], kaupmanni, þar sem spurzt var fyrir um það, hvort til mála kæmi, að íshús Ísfélagsins fengist keypt ásamt lóðarréttindum. Í ljós kom, að enskt félag hafði hug á að kaupa íshúsið með öllum lóðarréttindum þess. Í júlí mætti Þorsteinn Johnson síðan á stjórnarfundi Ísfélagsins og reifaði nánar þetta mál. Stjórnin afréð þá, að bera mál þetta undir aðalfund og láta hann skera úr um söluna. Sá fundur var haldinn þá bráðlega. Fund þann sátu um 90 félagsmenn. Mikið var þar rætt efni bréfsins og hvort selja skyldi Ísfélagseignirnar. [[Helgi Benediktsson]] bar fram þá tillögu, að íshúsið yrði ekki selt. Nafnakall varð afráðið um tillöguna. Var þar samþykkt með 44 gegn 3 atkvæðum að selja ekki íshúsið. Aðrir fundarmenn virðast hafa setið hjá við þessa atkvæðagreiðslu, þó að það sé ekki tekið fram. <br>

Þegar kosið var í stjórn á fundi þessum, fékk Ólafur Auðunsson um 90 atkv. en aðrir stjórnarmenn um helming atkvæða á við hann og knappt það. Þetta mikla atkvæðamagn, sem Ólafur fékk, sannar enn hið mikla traust, sem félagsmenn báru til hans, hygginda hans og þrautseigju, dugnaðar og gætni. Með þessum fundi var setu Magnúsar Guðmundssonar lokið í stjórn Ísfélagsins. Hafði hann þá setið í stjórn þess um 30 ár.  

Í hans stað hlaut sæti í stjórninni [[Hannes Hansson]], útgerðarmaður á [[Hvoll (við Urðaveg)|Hvoli]], sem varð varaformaður Ísfélagsins. Þegar eftir stjórnarkjör hurfu svo margir menn af fundi, að hann varð ekki ályktunarfær um önnur mál. Gæti það bent til þess, að ýmsir hafi verið óánægðir, enda þótt þeir létu ekki á neinu bera og sætu hjá við atkvæðagreiðsluna um sölu íshússins. <br>

Sumarið 1933 urðu mannaskipti við íshúsið. Í stað Páls Schevings tók nú [[Bogi Matthíasson]] á [[Litlhólar|Litlhólum]] að sér vélgæzluna og honum til aðstoðar [[Halldór Eyjólfsson frá Sunnuhlíð]]. <br>

Tillagan var samþykkt. <br>

Einum af stjórnendum félagsins var síðan falið að láta framkvæma rannsókn þessa. Sú rannsókn leiddi það í ljós, að einn af hluthöfum Ísfélagsins hafði stolið arðmiðum til þess, að bezt verður séð, að ná sér í aukaarð af tekjum félagsins og veita öðrum hluthöfum nokkra hlutdeild í þýfi þessu. <br>

[[Mynd: 1962, bls. 259.jpg|350px|thumb|''Jónas Jónsson''.]]

Eftir aðalfund þennan skipuðu þessir menn stjórn Ísfélags Vestmannaeyja: <br>