„Blik 1961/Gömul bréf eru góð heimildarrit“: Munur á milli breytinga

Eftirfarandi bréf er skrifað af [[Lárus Jónsson|Lárusi Jónssyni]] hreppstjóra á [[Búastaðir|Búastöðum]] og [[Kristín Gísladóttir (Búastöðum)|Kristínu]] konu hans til dóttur þeirra [[Jóhanna Lárusdóttir|Jóhönnu]], síðar búandi á [[Grund]] hér í bæ, konu [[Árni Árnason (Grund)|Árna Árnasonar]] frá [[Vilborgarstaðir|Vilborgarstöðum]]. Árni Árnason fór vestur til Utah árið 1891, en Jóhanna árið eftir ásamt nokkurra mánaða gamalli dóttur þeirra, [[Ástrós Árnadóttir|Ástrósu]]. Eru til mörg bréf um ferðir þeirra og afkomu vestra, sem munu verða birt í riti þessu, er aðstæður leyfa. <br>

Ástæðurnar fyrir afturkomu þeirra hjóna, Árna og Jóhönnu, hingað til Eyja var sú, að systir hans, bróðir og móðir tóku öll mormónatrú. Systurnar hétu [[Jóhanna Árnadóttir (Vilborgarstöðum)|Jóhanna]], [[Ingveldur Árnadóttir (Vilborgarstöðum)|Ingveldur]] og [[Hildur Árnadóttir (Vilborgarstöðum)|Hildur]]. Bróðirinn [[Eyvindur Árnason (Vilborgarstöðum)|Eyvindur]]. Móðirin [[Vigdís Jónsdóttir (Vilborgarstöðum)|Vigdís Jónsdóttir]]. Seinni maður hennar var [[Jón Eyvindsson]] mormónatrúboði. Þau hvöttu öll mjög hjónin Árna og Jóhönnu til að taka mormónatrú, en það vildu þau ekki. Leiddi þetta til þess, að þeim fannst óbærilegt að vera lengur vestra. Þau hurfu þess vegna heim til Eyja alfarin árið 1898, síðari hluta sumars. <br>

Læt ég svo hér koma nokkrar skýringar við efni bréfsins. <br>

Í bréfinu getur Ingimundar í [[Draumbær|Draumbæ]]. Hann var faðir [[Sæmundur Ingimundarson (Draumbæ)|Sæmundar]], er síðar getur, föður [[Kristmundur Sæmundsson (Draumbæ)|Kristmundar]], sem nú býr í Draumbæ.