„Bíó“: Munur á milli breytinga

== Gamla bíó ==

[[Mynd:Borg1.jpg|thumb|250px|Borg.]]

Rýmið á neðri hæð hússins var stækkað þannig að þetta var einn stór salur með tjaldið á vesturvegg salarins. Salurinn tók 118 manns í betri sæti og 72 í almenn sæti, en fremst voru þrír bekkir með barnasætum. Norðan megin við tjaldið var klefi þar sem spilað var á píanó í tíð þöglu kvikmyndanna. Gengið var inn í húsið að austan og var þar miðasala og sýningarklefi. Salurinn var fallega skreyttur af [[Engilbert Gíslason|Engilberti Gíslasyni]] listmálara. Sunnan megin við tjaldið var málverk af grísku goði og fyrir ofan glugga voru grískar leikgrímur.

Kvikmyndahúsið var að Borg til ársins 1930, er [[Nýja bíó]] varð að kvikmyndahúsi. Póststjórn tók neðri hæðina á leigu og var þá [[Póstmál|pósthús]] þar frá 1931 til 1948. Póstmeistari var [[Ólafur Jensson]].

== Nýja bíó ==

Húsið '''Þórshamar''' stendur við [[Vestmannabraut]] 28. [[Þorsteinn Johnson]] frá [[Jómsborg]] byggði húsið sem var kallað Nýja bíó áður fyrr í daglegu tali. Margs kyns starfsemi var í húsinu, svo sem kvikmyndasýningar og skemmtanir, ásamt verksmiðjurekstri, auk þess sem það var síðar meir notað sem geymsluskemma. Húsið hrundi í gosinu 1973 en var endurbyggt eftir gos og hýsir nú [[Hótel Þórshamar]] og veitingastaðinn Fjóluna.

== Samkomuhúsið ==

Samkomuhúsið stendur á gatnamótum [[Kirkjuvegur|Kirkjuvegar]] og [[Vestmannabraut]]ar, og heitir lóðin [[Mylluhóll]]. Húsið var vígt 22. janúar árið 1938 en húsið var í byggingu frá því í október 1936 fram í janúar 1938. Það var [[Sjálfstæðisflokkurinn|Sjálfstæðisfélagið]] sem byggði húsið. Þá var húsið næststærsti samkomusalur landsins, aðeins Gamla Bíó í Reykjavík var stærra. Húsið var notað til skemmtanahalds í áratugaraðir.  

Seinna var byggt við húsið. Það var á árunum 1963-65.

== Bíósýningarmenn í Vestmannaeyjum. ==