„Arnarhóll“: Munur á milli breytinga

[[Mynd:Arnarhóll.jpg|thumb|400px|Arnarhóll með Heimaklett í baksýn]]

Í bókinni, Einar í Betel, eftir [[Einar J. Gíslason]], segir m.a:  

„Pabbi fékk úthlutað húslóðum við Faxastíg 10. Það var [[Sigurður Sigurfinnsson]], faðir [[Einar Sigurðsson|Einars Sigurðssonar]] ríka, sem úthlutaði lóðunum og [[Karl Einarsson]] sýslumaður samþykkti lóðasamninginn. Húsið var byggt norðarlega í lóðinni, steyptur kjallari, hæð og ris úr timbri, klætt bárujárni. Grunnflötur hússins var rétt 39 fermetrar. Auk íbúðarhússins byggði pabbi útigeymslur og skömmu síðar tveggja kúa fjós og hlöðu. Foreldrar mínir fluttu inn í nýbyggt húsið í ágústmánuði 1913 og nefndu það Arnarhól.“

== Lífsbaráttan ==

Guðný Einarsdóttir var einn af stofnendum [[Hvítasunnukirkjan|Hvítasunnusafnaðarins]] hér í Vestmannaeyjum, sem var upphaf að starfi Hvítasunnumanna á Íslandi. Einar og Óskar skírðust í [[Betel]], og þeir tóku virkan þátt í starfi Betelsafnaðarins í Vestmannaeyjum. Einar safnaðarhirðir frá árinu 1948 til 1970 og forstöðumaður Fíladelfíusafnaðarins í Reykjavík frá 1970 til ársins 1990. Óskar tók við starfi Einars er hann flutti héðan, og gegndi því starfi þar til [[Snorri Óskarsson|Snorri]], sonur hans tók við því starfi 1982. Guðný Einarsdóttir lést 31. mars 1956, Einar, sem hafði búið í íbúðinni í Betel í nokkur ár, flytur árið 1957 að Arnarhóli, hann var þá kvæntur Guðnýju Sigurmundsdóttur og áttu þau þrjú börn. Þau voru, [[Guðrún Margrét Einarsdóttir|Guðrún Margrét]] fædd 1949, [[Guðni Einarsson|Guðni]] fæddur 1953 og [[Sigurmundur Gísli Einarsson|Sigurmundur Gísli]] fæddur 1957. Gísli flutti í kjallarann.

Það var alltaf gott að heimsækja Gísla Jónsson, ég var aðeins barn að aldri þegar hann var á Arnarhóli. Langafi átti alltaf Síríus súkkulaði í skápnum sínum, sem hann vissi að munnum litla fólksins þótti gott að fá. Hann hafði þann góða eiginleika að vera alltaf í góðu skapi og hress, hann átti gott með að segja frá og það var gaman að hlusta á hann.

Einar Jóhannes og fjölskylda fluttu til Reykjavíkur sumarið 1970, er hann tók við sem safnaðarhirðir í Fíladelfíu. Gísli langafi flutti þá til Salóme og Vigfúsar á Heiðarveg 41.

[[Ragnar Sigurbjörnsson]] og [[Ólafía Jónsdóttir]] kaupa húsið árið 1977 af Guðna Svan, og flytja inn ásamt börnum Ólafíu, [[Sæunn Sævarsdóttir|Sæunni]], [[Helgi Sævarsson|Helga]] og [[Ólafur Sævarsson|Ólafi]] Sævarsbörnum, og barni þeirra, [[Gunnsteinn Adólf Ragnarsson|Gunnsteini Adólf Ragnarssyni]]. [[Gísli Már Ragnarsson]] fæddist 1979. Ragnar og Ólafía byggðu kvistana á þaki húsins og skveruðu allt háaloftið, þau  lokaðu opinu niður í kjallara úr eldhúsinu. Þegar þetta er ritað leigir [[Bjarki Sævarsson]], bróðir Sæunnar, Arnarhól.

Einar skipti um alla glugga á hæðinni, fram að því hafði verið einfalt gler í húsinu, einnig einangraði hann hæðina og skipti um járn.

Einar og Ingibjörg selja húsið árið 1984.

[[Halldóra Ólafsdóttir]] og [[Friðrik Á. Vigfússon]], keyptu húsið af Einari og Oddbjörgu, árið 1994. Þau gerðu innangengt af hæðinni í kjallara. Halldóra og Friðrik fengu skilti með nafni Arnarhóls, sem er á kvisti húsins í innflutningsgjöf. Það var hagleiksmaðurinn og smiðurinn [[Sigurður Sigurðsson, frá Vatnsdal]] sem smíðaði skiltið, en hann er tengdafaðir [[Harpa Njálsdóttir|Hörpu Njálsdóttur]], móður Halldóru.

Arnarhóll hefur verið heppinn með eigendur sína, þeir hafa hugsað vel um húsið og endurnýjað og lagfært það sem þurft hefur að gera, húsið er glæsilegt.

Það vekur athygli mína að allir sem keypt hafa Arnarhól, eftir langafa minn, hafa flutt frá Eyjum, að undanskildum þeim Maríu Þorgrímsdóttur og Ingibjörgu Kristmannsdóttur.

{{Heimildir|

   

'''Skriflegar heimildir'''

}}

[[Flokkur:Hús]]