Anna Kristjánsdóttir (Reykjadal)

Anna Magnúsína Þóra Kristjánsdóttir frá Reykjadal, húsfreyja fæddist 27. ágúst 1910 í Ási og lést 5. nóvember 1995.
Foreldrar hennar voru Kristján Þórðarson frá Fíflholtshjáleigu í V-Landeyjum, útgerðarmaður, sjómaður, f. 2. júní 1876, d. 16. janúar 1966, og kona hans Guðný Elíasdóttir frá Klömbru u. Eyjafjöllum, húsfreyja, f. 28. október 1881, d. 18. júní 1962.

Börn Kristjáns og Guðnýjar voru:
1. Guðjón Ingólfur Kristjánsson nuddari, f. 31. október 1902 í Reykjavík, d. 7. desember 1984.
2. Kristinn Magnús Kristjánsson verkamaður, f. 7. ágúst 1904 á Bergstöðum, d. 25. nóvember 1962.
3. María Þuríður Kristjánsdóttir, f. 30. apríl 1908 í Ási, d. 21. desember 1992.
4. Anna Magnúsína Þóra Kristjánsdóttir, f. 27. ágúst 1910 í Ási, d. 5. nóvember 1995.
5. Jóna Lovísa Kristjánsdóttir, f. 25. ágúst 1911 í Ási, d. 20. apríl 1912.
6. Jóhann Ármann Kristjánsson matsveinn, vélstjóri, mælaálestrarmaður, f. 29. desember 1915 í Skipholti, d. 6. desember 2002.
7. Einar Elías Kristjánsson, f. 19. febrúar 1919 í Skipholti, d. 4. janúar 2011.

Anna var með foreldrum sínum í æsku.
Hún giftist Auðuni 1929 eignaðist Maríu á því ári. Þau bjuggu í Reykjadal við Brekastíg 1930, en fluttust að Stapakoti í Innri-Njarðvík 1930-1931 og þaðan til Keflavíkur 1937. Þar bjuggu þau síðan.
Anna lést 1995, en Auðunn 2000.

Maður hennar, (29. maí 1929), var Auðunn Kristinn Karlsson sjómaður frá Reyðarfirði, f. 7. janúar 1903, d. 10. desember 2000.
Börn þeirra:
1. María Auðunsdóttir húsfreyja, f. 4. desember 1929 í Reykjadal, d. 30. janúar 2005. Maður hennar var Hallgrímur Kristmundsson.
2. Sigríður Auðunsdóttir húsfreyja, f. 3. maí 1934, d. 10. júní 2005. Maður hennar var Reynald Þorvaldsson.
3. Helga Auðunsdóttir húsfreyja, f. 1. ágúst 1935. Maður hennar: Garðar Brynjólfsson.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Morgunblaðið 10. nóvember 1995. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---