Ögmundur Ögmundsson (Landakoti)
Ögmundur Ögmundsson fæddist 2. ágúst 1849 að Reynisholti í Mýrdal og lést 8. október 1932.
Foreldrar hans voru Ögmundur Árnason bóndi í Reynisholti, síðar í Eyjum, f. 10. október 1809, d. 10. janúar 1888 í Eyjum, og kona hans Þóra Jónsdóttir húsfreyja í Reynisholti, f. 1814, d. 14. apríl 1860 í Reynisholti.
Kona Ögmundar var Vigdís Árnadóttir og bjuggu þau allan sinn búskap í Landakoti. Þau áttu eina dóttur, Þórönnu, en ólu upp tvo fóstursyni, Þorbjörn Arnbjörnsson (bróðursonur Ögmundar) og Hannes Hansson.
Tuttugu og þriggja ára flutti hann til Eyja. Hafði hann þá stundað sjómennsku frá 18 ára aldri. Ögmundur hafði gott pláss á áttæringnum Gideon. Var hann á honum samfleytt í 39 ár, frá 1867 til 1905. Ögmundur var fremsti maður á bátnum alla tíð og sá um klýfirinn.
Sjá grein um hann í Bliki 1963, Ögmundur Ögmundsson, Landakoti og Nýjatún í sama riti.
Heimildir
- Eyjólfur Gíslason. 39 vertíðir við sama keipinn. Sjómannadagsblaðið 1960. 9. árgangur.