Árni Árnason (Frydendal)
Árni Árnason snikkari frá Frydendal fæddist 1854 og drukknaði með Jósef Valdasyni og fleiri 12. janúar 1887.
Hann var líklega sá, sem var 25 ára smíðasveinn á Strimpu í Reykjavík 1880.
Árni fluttist til Eyja frá Reykjavík 1885, titlaður snikkari.
Hann fórst af juli við Bjarnarey 12. janúar 1887 ásamt þrem öðrum. Tveim var bjargað.
Þeir, sem fórust, voru:
1. Jósef Valdason í Fagurlyst.
2. Árni Árnason snikkari í Frydendal, 33 ára.
3. Tómas Tómasson vinnumaður í Nýjabæ, 21 árs.
4. Erlendur Ingjaldsson, þá vinnumaður á Búastöðum 58 ára.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.