Sigurjón Þorvaldur Árnason

Sigurjón Þorvaldur Árnason, 1924 til 1944. Hann var fæddur 3. mars 1897 á Sauðárkróki, sonur Árna prófasts að Görðum á Álftanesi og konu hans Líneyjar Sigurjónsdóttur óðalsbónda Jóhannessonar á Laxamýri. Stúdent frá menntaskólanum í Reykjavík 1917. Cand. theol. frá Háskóla Íslands 1921. Var við framhaldsnám í trúarheimspeki í Kaupmannahöfn veturinn 1921 til 1922. Fékk veitingu fyrir Vestmannaeyjaprestakalli 1924 og Hallgrímsprestakalli í Reykjavík 1944. Séra Sigurjón var lengi formaður barnaverndarnefndar Vestmannaeyja og starfaði mikið að málefnum K. F. U. M og K. í Vestmannaeyjum. KLona hans var Þórunn Eyjólfsdóttir Kolbeins prests að Staðarbakka og áttu þau sjö börn.