„Slysavarnir og björgunarmál“: Munur á milli breytinga

Árið 1951 var [[Kjartan Ólafsson]] útgerðarmaður Veigu VE fyrstur útgerðarmanna á Íslandi til að setja Gúmmíbjörgunarbát um borð í fiskiskip í staðinn fyrir þunga fleka. Árið 1952 fórst Veiga VE og með henni tveir menn en aðrir úr áhöfn bátsins björguðust í gúmmíbátinn. Það kostaði töluverða baráttu að fá þetta björgunartæki viðurkennt. En slík var trú sjómanna og útgerðarmanna á þessu björgunartæki að vertíðina 1952 voru 40 vélbátar í Vestmannaeyjum komnir með gúmmíbát.

Árið 1971 hannaði [[Sigmund|Sigmund Jóhannsson]] teiknari og uppfinningamaður öryggisloka við netaspil, Sigmund hannaði lokann að beiðni skipstjóra sem hafði lent í því að tveir menn á skipi hans höfðu farið í netaspilið sömu vertíðina. Það er skemmst frá því að segja að lokinn fækkaði ekki bara slysum við netaspil, heldur útrýmdi þeim alveg.  Útgerðarmenn í Eyjum settu þennan búnað strax í svo til öll skip sem stunduðu netaveiðar, en því miður tók það níu ár með tilheyrandi fjölda slysa að lögleiða þennan frábæra öryggisbúnað og koma þeim í öll skip á landinu.

== Sleppi og sjósetningarbúnaður ==

Í mars 1980 hannaði [[Sigmund|Sigmund Jóhannsson]] búnað sem gat losað og sjósett gúmmíbjörgunarbáta bæði handvirkt og sjálfvirkt. Þetta var þvílík bylting í öryggis-málum sjómanna, að margir vildu líkja henni við þegar gúmmíbátarnir komu til sögunnar.

En eins og oft áður voru það einungis sjómenn og útgerðarmenn í Vestmannaeyjum sem sáu notagildi þessa búnaðar í fyrstu, og var hann því fyrst settur í Vestmannaeyjaflotann 1981. Því miður hefur barátta Vestmannaeyinga fyrir þessu tæki nú tekið um 20 ár, en var loksins endanlega komin í höfn á árinu 2000.  

13-14 manns hefur verið bjargað.

== Slysavarnardeildin Eykyndill í Vestmannaeyjum ==

Margt fleira hefur verið gert til að auka öryggi sjómanna sem langt mál er upp að telja, en þó verður hér að nefna að eitt félag sem hefur í tugi ára gert óhemju mikið fyrir öryggi sjómanna í Vestmannaeyjum og reyndar víðar. Þetta er [[Slysavarnadeildin Eykyndill|kvennadeild Slysvarnarfélags Íslands, Eykyndill]]. Það er með ólíkindum hvað þessar konur hafa gert mikið til að bæta öryggi sjómanna.  Þær hafa stuðlað að því að koma fjölmörgum málum í höfn.