„Sjómannadagsblað Vestmannaeyja 2007/Minning látinna“: Munur á milli breytinga

'''F. 19. júní 1923 - D. 8. september 2005'''<br>

Sigurður Ármann Höskuldsson var fæddur 19. júní 1923 á Hafnarnesi við Fáskrúðsfjörð. Foreldrar hans vom Málmfríður Sigurðardóttir og Höskuldur Magnússon sem þar bjuggu. Ármann, eins og hann var alltaf kallaður, var elstur fimm systkina og fór ungur, 12 ára gamall, að róa á trillu með föður sínum. Snemma fór hann til Vestmannaeyja og var tvær fyrstu vertíðirnar, á sjó, hjá Guðjóni Tómassyni í Gerði. Árið 1947 flutti hann til Eyja og var þá á Hvalfjarðarsíldinni með Guðmundi Vigfússyni á Voninni. Næstu þrjár vetrarvertíðirnar var hann á Freyju hjá Sigurði Sigurjónssyni. Eftir það réði hann sig á Reyni VE 15 til Páls Ingibergssonar og var með honum í þrettán ár bæði á þeim gamla og nýja. Hann beitti á línunni, reri á netunum og var á síldinni norðan og austanlands á sumrin. Milli vertíða var hann alltaf fljótt kominn í einhverja vinnu og þá oft í múrverk sem hann lærði hjá Hjörleifi Guðnasyni múrarameistara. Eftir sjómannsárin stundaði hann þá iðn bæði hér í Eyjum og í Reykjavík eftir að fjölskyldan fluttist þangað eftir eldgosið 1973. Hér í Eyjum kynntist Ármann konuefni sínu, Elísabetu Sigurðardóttur frá Nýjabæ. Þau áttu fyrst heima í Sætúni við Bakkastíg, síðar í Nýjabæ og byggðu sér hús þar í nágrenninu að Helgafellsbraut 29. Þau eignuðust tvö börn. Kjartan, múrarameistara, í Reykjavík og Málmfríði, húsmóður, í Vestmannaeyjum. Í Reykjavík áttu þau lengst heima í Blikahólum 8. Ármann var rólegur og dagfarsprúður maður. Það fór ekki mikið fyrir honum nema við störfin til sjós og lands. Þar var hann orðlagður verkmaður til allra starfa sem af honum var krafist og enginn var svikinn af vinnunni hans.<br>

'''F. 24. júní 1950 - D. 27. apríl 2006'''<br>

Valdimar Guðmundsson var fæddur í Reykjavík 24. júní 1950 og hann lést í Vestmannaeyjum 27. apríl 2006. Foreldrar hans voru Guðmundur Kristinn Axelsson f. 24. 08. 1928 d. 26. 10. 1997 og Dýrfinna Jörgína Valdimarsdóttir f. 1. maí 1931 d. 23. júní 1992. Valdimar átti þrjá bræður, þá Stefán Kristin f. 4. jan. 1953 d. 7. jún. 1994. Axel og Hafstein sem eru búsettir hér í Eyjum og systir þeirra, Þóranna, býr í Ólafsvík.