„Gjábakki-eystri“: Munur á milli breytinga

Gjábakkajarðirnar voru tvær, Eystri og [[Gjábakki-vestri|Vestri Gjábakki]]. Jarðirnar voru einn völlur, fjögur kýrfóður, og talin með elstu býlum í Eyjum. Hvor jörð hafði 15 sauða beit í [[Elliðaey]]. Býlin stóðu vestan undir hólnum sem [[Leiðarvarðan]] stóð á. Gömlu bæirnir að Eystri og Vestri Gjábakka, sem báðir voru byggðir fyrir aldamótin 1900, stóðu fram að eldgosinu 1973.

[[Þorkell Jónsson]] fékk byggingu fyrir jörðinni Eystri-Gjábakka í desember 1894 og 1895 byggði hann húsið sem stóð fram að gosi. Þorkell fluttist til Ameríku skömmu eftir aldamótin og fékk þá [[Magnús Jónsson]] sýslumaður byggingu fyrir jörðinni. Eftir Magnús tók við jörðinni [[Karl Einarsson]] sýslumaður. Hvorugur þeirra mun hafa búið í húsinu, Karl bjó að [[Hof|Hofi]], en Gjábakki eystri var á þessum tíma oft leigður fólki sem var að flytja til Eyja og beið eftir varanlegu húsnæði. [[Gísli Magnússon]], útgerðarmaður, fékk ábúð fyrir jörðinni 1925 en Gísli bjó skammt frá í húsi sínu [[Skálholt|Skálholti]].