Helga Þorsteinsdóttir (París)

Helga Þorsteinsdóttir vinnukona fæddist f. 26. október 1805 á Leðri í Selvogi og lést 24. desember 1869.

Faðir hennar var Þorsteinn bóndi í Leðri í Selvogi, f. 1773, d. 28. ágúst 1811, Björnsson bónda á Brekkum á Rangárvöllum, f. 1748, d. 27. ágúst 1832, Ólafssonar bónda á Brekkum 1745, drukknaði 1756, Diðrikssonar, og konu Ólafs, Herborgar húsfreyju, f. 1717, d. 25. ágúst 1791, Jónsdóttur, Móðir Þorsteins og kona Björns á Brekkum var Helga húsfreyja, f. 1736, d. 19. ágúst 1819, Magnúsdóttir bónda á Grjótlæk í Stokkseyrar hreppi, f. 1695, Þorsteinssonar, og konu Magnúsar, Önnu húsfeyju, f. 1706, Brandsdóttur (Hluta-Brands) bónda í Auðsholti í Ölfusi.

Móðir Helgu var Margrét Guðmundsdóttir húsfreyja á Leðri, f. 1774.

Helga var hjá föðurforeldrum sínum í Tungu á Rangárvöllum 1816. Hún var í fóstri við fermingu 1820 hjá Jóni Einarssyni og Þorlaugu Illugadóttur á Vogsósum.
Helga var vinnukona með son sinn, tökubarnið Jón Þorkelsson, hjá sér á Breiðabólstað 1835, vinnukona á Álfhólum í V-Landeyjum 1840.
Hún var vinnukona í Stóra-Gerði 1845, vinnukona í París 1860.

I. Barnsfaðir Helgu var Þorkell Einarsson tómthúsmaður.
Barn þeirra var
1. Jón Þorkelsson sjómaður frá Þorkelshjalli, f. 1833, fórst með þilskipinu Helgu 1867.

---

Heimildir

• Samantekt: Víglundur Þór Þorsteinsson.
• Íslendingabók.is
• Manntöl.
• Prestþjónustubækur.