„Sjómannadagsblað Vestmannaeyja 2007/Helstu æviatriði Guðjóns á Skaftafelli“: Munur á milli breytinga

<center>'''HAFLIÐI GUÐJONSSON'''</center>

'''Helstu æviatriði:'''<br>

Ungur byrjaði hann að stunda sjóróðra og var háseti á áraskipum frá Mýrdal og Suðurnesjum og 15 og 16 ára gamall fór hann fótgangandi frá Felli til Suðurnesja á vetrarvertíðir til Gísla Geirmundssonar, eiginmanns Jakobínu systur hans, sem gerði út þaðan.<br>

Mýrdælingur VE 177 var síðasti fiskibáturinn, sem fluttur var með flutningaskipi til Vestmannaeyja (sjá „''Aldahvörf í Eyjum''“, bls. 196, eftir [[Þorsteinn Jónsson (Laufási)|Þorstein Jónsson]] frá Laufási.)<br>

Guðjón var formaður á honum samtals 14 vertíðir eða frá 1915til 1929.

Guðjón er formaður á Mýrdælingi VE 283 frá 1930 til 1937. Árið 1939 var sett í bátinn 65 ha. June Munktel vél sem tekin var úr mb. Víði VE 326 sem strandaði fram af Vestur-Landeyjum árinu áður í suðaustan stórviðri.<br>

Vetrarvertíðina 1938 er Guðjón með mb. Þóri RE 194 sem kallaður var „Torfbærinn“. Árið 1941 sækir hann tnb. Jón Þorláksson RE 60 (síðar mb. Sjöfn VE 37) til Reykjavíkur og er með hann eina vertíð.<br>

Árið 1953 kaupa Hjálmar Elíeserson og Þorsteinn Sigurjónsson Reykjavík bátinn, sem var þá nefndur Mýrdælingur RE 270. Hjálmar er skráður eigandi Mýrdælings 24. ágúst 1954.<br>

Báturinn var seldur til Djúpavogs 29. desember 1960, kaupandi var Stefán Aðalsteinsson og hét þá Mýrdælingur SU 101. Árið 1963 var sett í bátinn 125 ha. Perkings dísel vél. Þann 1. júní 1967 var báturinn tekinn af skrá og var talinn ónýtur.<br>

'''Saga af sjóferð'''<br>

Faðir minn sagði mér frá eftirfarandi atviki þegar hann var formaður á Mýrdælingi eldri VE 177 á árunum 1915 - 1929. Í þá daga söfnuðust bátarnir saman í höfninni við ákveðna línu þar til „''blússið''“ var gefið (ljósmerki gefið frá Skansinum), en þá fyrst máttu bátarnir halda á miðin. Einn til tveir bátar voru í því að aðgæta að engir bátar þjófstörtuðu. Þarna var mikill fjöldi báta og þrengsli mikil. Þegar blússið var gefið, settu bátarnir á fulla ferð og mikill reykjarmökkur steig upp frá þeim, því að vélarnar voru kaldar og þær þandar til hins ítrasta.<br>

Skammt utan við hafnarmynnið í Vestmannaeyjum er Ystiklettur og Klettsnef nefnist syðsti hluti hans sem skagar út í sjó til suðurs. Þegar bátarnir héldu á miðin var siglt ótrúlega nærri Klettsnefi, bátur við bát.<br>

Umrætt atvik átti sér stað við þessar aðstæður. Þegar blússið var gefið, lendir Mýrdælingur næst Klettsnefi og á móts við það kemur bátur þvert á siglingaleið bátanna og stefnir beint á Klettinn. Faðir minn sá aðeins fyrir sér tvo möguleika, að sigla beint á bakborðssíðu bátsins eða beygja á bakborða og fara eins nærri Klettinum og kostur var á. Með því að sigla á bakborðskinnung bátsins vonaði hann að það dygði til að snúa honum á rétta siglingaleið. Hann átti jafnframt á hættu að Mýrdælingur snerist enn meir á bakborða og lenti upp í Kletti. Guðjón tók síðari kostinn og var svo lánsamur að hann gat snúið hinum bátnum á stjórnborða og á rétta siglingaleið, án þess að hann færi sjálfur upp í Klettinn en engu mátti muna að svo færi, svo nærri Klettinum var hann kominn.<br>

Faðir minn fékk skýringu á þessu atviki daginn eftir. Formaðurinn á þessum báti sagði honum að í allri þvögunni hafi stærri bátur nuddast utan í sinn bát og snúið honum. Þegar formaðurinn þakkaði föður mínum fyrir að hafa bjargað sér sagði faðir minn að hann hefði ekki átt nema þessa tvo kosti. Voru báðir glaðir yfir að svo vel tókst til.<br>

Nokkrir bátar reru með línu, eða línu og handfæri, því loðnugangan var komin fyrir nokkru. Talsverð fiskigengd virtist vera á miðum.<br>

Um klukkan níu um morguninn fór að bræla af landsuðri, en laust eftir hádegi var komið öskrandi rok. Undir kvöldið var brostið á eitt versta veður, sem hér hefur komið, með landnorðan byl. Þá er veðrið var fullharðnað og ófært með öllu fyrir Klettinn vantaði 9 báta.<br>

Að lokum vil ég geta þess að eitt sinn talaði ég við formann úr Eyjum sem sagði að faðir minn hefði verið farsæll formaður, harðduglegur og aldrei á allri hans formannsævi misst mann.<br>

{{Sjómannadagsblað Vestmannaeyja}}