„Teista“: Munur á milli breytinga

Teistan verpir stök eða í litlum byggðum, í eyjum, höfðum og urðum. Hreiður eru í klettaskorum, sprungum, undir steinum eða á syllum í hellum þannig að erfitt er að finna eggin. Gott dæmi um það er [[Teistuhellir]] í Vestmannaeyjum. Teistan lifir á ýmsum smáfiskum s.s. sprettfiski, marhnúti, fiskseiðum og krabbadýrum sem hún kafar eftir. Teistan verpir yfirleitt tveimur eggjum upp úr miðjum maí. Eggin eru hvít og brúnleit eða ljósblágræn með svörtum, rauðbrúnum og gráum yrjum. Teistan situr á þeim í fjórar vikur. Unginn klekst út um mánaðamót júní og júlí. Þá heldur hann kyrru fyrir í hreiðrinu í 40 daga og á meðan fæða foreldrarnir hann á sprettfiski, foreldrarnir vinna saman að klaki og fæðuöflun. Hann er ófleygur þegar hann yfirgefur hreiðrið, en lærir síðan að fljúga á viku tíma. Hér áður fyrr var teista veidd til manneldis eins og allir aðrir svartfuglar en hún er lítið sem ekkert veidd í dag. Íslenski teistustofninn er um 20.000 pör.