„Anna Benediktsdóttir“: Munur á milli breytinga

Anna Valgerður Benediktsdóttir ljósmóðir, fæddist 24. jan. 1831 og lézt 11. sept. 1909.<br>

Foreldrar hennar voru Benedikt prestur að Mosfelli í Mosfellssveit, f. 23. nóv. 1782, d. 17. marz 1843, Magnúsar klausturhaldara að Þykkvabæjarklaustri Andréssonar og konu Magnúsar, Helgu húsfreyju frá Reynishjáleigu í Mýrdal, f. 1752, d. 26. nóv. 1826, Ólafsdóttur Gíslasonar og konu Ólafs, Þórdísar Teitsdóttur. Móðir Önnu og síðari kona Benedikts prests var Þorbjörg húsfreyja, f. 27. júní 1795, d. 7. apríl 1852, Einars bónda á Neðstalandi í Eyjafirði, Þorlákssonar.<br>

Anna fór til vistar hjá föðursystur sinni Þórdísi Magnúsdóttur prestkonu að Ofanleiti og  manni hennar [[Jón Jónsson Austmann  | Jóni Austmann]] presti 1847. Hún vann að hjúkrun við Fæðingarstofnunina í Eyjum (“Stiftelsið”), sem starfrækt var til að útrýma ginklofanum. [[Philip Theodor Davidsen]], sem var skipaður héraðslæknir í Eyjum 30. júlí 1852, vann að því að fá tvær ljósmæður til starfa í Eyjum og hvatti Önnu til ljósmóðurnáms. Hann lézt í Eyjum 1860.<br>  

Hún hóf störf í Eyjum 1863 við hlið Solveigar Pálsdóttur til ársins 1867, er Solveig flutti til Reykjavíkur, en síðan var hún ein til ársins 1886, þegar [[Þóranna Ingimundardóttir]] tók til starfa. Hún var þó starfandi þar fram um 1903. Anna var vel liðin ljósmóðir í Vestmannaeyjum. Á sumardaginn fyrsta 1907 var hún heiðruð af konum í Eyjum og henni flutt frumsamið kvæði.<br>

Maki I (1. nóv. 1852): [[Stefán Austmann | Stefán Jónsson Austmann]], f. 1829. Hann var fósturbróðir Önnu, sonur [[Jón Jónsson Austmann | Jóns Austmanns]] og konu hans Þórdísar systur Benedikts föður Önnu. Þau Stefán voru því systkinabörn.<br>  

Í upphafi bjuggu þau að Ofanleiti, en fengu byggingu fyrir [[Draumbær | Draumbæ]] 1853. Þar var heimili þeirra til ársins 1868, þegar Anna var orðin eina skipaða ljósmóðirin í Eyjum. Settust þau þá að í tómthúsinu [[Pétursborg]], sem stóð á [[Heimatorg | Heimatorgssvæðinu]] norður af [[Vegamót | Vegamótum]] og vestur af [[Jómsborg]]. Skömmu seinna fluttust þau að [[Vanangur | Vanangri]], sem stóð austan [[Jómsborg | Jómsborgar]] milli [[Sæberg | Sæbergs]] og [[Urðarvegur | Urðavegar]]. Byggingu fyrir [[Vanangur | Vanangri]] fengu hjónin 1869 svo og fyrir hálfum [[Háigarður | Háagarði]] og hálfri [[Vilborgarstaðir |Vilborgarstaðajörð]] í skiptum fyrir [[Draumbær | Draumbæ]]. Stefán drukknaði, þegar Gaukur fórst sunnan við Klettsnef 13. marz 1874. Anna bjó áfram í [[Vanangur | Vanangri]].<br>  

Börn: Jóhann, f. 1853, dó af slysförum 1866; Þorbjörg Jena Benedikta, f. 1856, dó á fyrsta ári; Þorbjörg Jena Benedikta, f. 1857, dó sama dag; Þorbjörg Jena Benedikta, f. 1863, dó 1873; Jóhann Lárus, f. 1870, d. 1919.<br>

Maki II (5. okt. 1877): Sigurður Magnússon úr Mýrdal, f. 22. marz 1850, d. 2. júní 1879 úr brjóstveiki.<br>

*Ljósmæður á Íslandi.

*[[Þorsteinn Þ. Víglundsson]]: Anna V. Benediktsdóttir ljósmóðir, [[Blik]] 1961, bls. 184-196.

*Íslenzkar æviskrár.

*[[Jóhann Gunnar Ólafsson]]: „Huldukona vitjar nafns” í Sögur og sagnir úr Vestmannaeyjum. Útg. Bókaverzlun Þorsteins Johnson.}}

[[Flokkur:Stubbur]]

[[Flokkur:Ljósmæður]]

[[Flokkur:Fólk]]