„Blik 1976/Vélbátar í Vestmannaeyjum“: Munur á milli breytinga

Flestir voru bátarinir kunnir fyrir aflasæld og formennirnir viðurkenndir dugnaðar sjómenn. [[Karl Guðmundsson]] frá [[Reykholt (eldra)|Reykholti]] [[Reykholt (eldra)|(nr.15)]] við [[Urðarvegur|Urðaveg]] gaf [[Blik|Bliki]] fyrir nokkrum árum skýringarnar við myndirnar og tók þann fróðleik úr bókum Bátaábyrgðarfélags Vestmannaeyja. [[Blik]] kann honum kærar þakkir fyrir þá hjálp.

<center>[[Mynd:1976 b 106 A.jpg|ctr|400px]]</center>

''V/b [[Ásdís VE-144|Ásdís, VE 144]]. Eigandi var [[Gísli J. Johnsen]]. Báturinn var smíðaður í Danmörku árið 1912. Svo sem greint var frá í [[Blik|Bliki 1974]], bls. 138, þá kom norskur söngkór til Vestmannaeyja árið 1924 og söng hér bæði í samkomuhúsi og undir berum himni. Svo sem sést á myndinni, þá er vélbáturinn Ásdís hlaðinn fólki. Verið er að flytja norska söngkórinn frá [[Bæjarbryggja|Bæjarbryggjunni]] til skips.- Húfur kórfélagana á lofti.- Eyjabúar kvaddir.  

''V/b [[Ingólfur Arnarson VE-187|Ingólfur Arnarson, VE 187]], 11 rúmlestir. Hann var smíðaður í Vestmannaeyjum árið 1917. Það gjörði [[Guðmundur Jónsson]] á [[Háeyri]]. Eigendur þá: [[Bjarni Einarsson í Hlaðbæ|Bjarni Einarsson]] útgerðarmaður í [[Hlaðbær|Hlaðbæ]] o. fl. formaður var fyrstu árin [[Sveinn Jónsson (Landamótum)|Sveinn Jónsson]] á [[Landamót|Landamótum]] (nr.3 A) við [[Vesturvegur|Vesturveg]].''  

''V/b [[Emma VE-219|Emma, VE 219]], 16 smálestir að stærð. Báturinn var smíðaður á Ísafirði árið 1919. Fyrsti eigandi var [[Jóhann Reyndal]]. Þá var formaður á bátnum [[Guðmundur Kristjánsson]]. Síðar eignaðist [[Eiríkur Ásbjörnsson]] o. fl. þennan bát, og var Eiríkur sjálfur formaður á honum um árabil. Þá var [[Björn Bjarnason]] í [[Bólstaðarhlíð]] (nr. 39) við [[Heimagata|Heimagötu]] vélstjóri á bátnum og meðeigandi. Síðast var formaður á báti þessum [[Eyjólfur Gíslason]] frá [[Bessastaðir|Bessastöðum]] í Eyjum.''  

''V/b [[Friðþjófur VE-98|Friðþjófur, VE 98]], 14 smálestir að stærð. Hann var smíðaður í Færeyjum árið 1921. Eigendur voru [[Friðrik Svipmundsson]], síðar [[Andrés Einarsson]], [[Baldurshagi|Baldurshaga]], og svo [[Ásmundur Friðriksson]], sonur Friðriks Svipmundssonar og konu hans, frú [[Elín Þorsteinsdóttir|Elínar Þorsteinsdóttur]].''  

''V/b [[Auður VE-3|Auður, VE 3]], 15 rúmlestir að stærð. Bát þennan smíðaði [[Gunnar Marel Jónsson]], bátasmiður í Vestmannaeyjum, árið 1925. Eigendur voru þá [[Ágúst Jónsson (Varmahlíð)|Ágúst Jónsson]] í [[Varmahlíð]] (nr. 21) við [[Miðstræti]] (áður nr. 18 við [[Vesturvegur|Vesturveg]]) o. fl. Fomaður á bátnum var Ágúst Jónsson.''  

''V/b [[Gullveig VE-331|Gullveig, VE 331]], 39 rúmlestir að stærð. Bátur þessi var smíðaður árið 1926 og keyptur til Vestmannaeyja 1940. Eigandi: [[Sæmundur Jónsson]] frá [[Jómsborg]] og fyrsti formaður var [[Óskar Þorsteinsson]], síðar bóksali í Vestmannaeyjum.''  

''V/b [[Lagarfoss VE-292|Lagarfoss, VE 292]], 21 rúmlest að stærð. Hann var smíðaður í Danmörku árið 1929. Eigendur voru: [[Tómas M. Guðjónsson]] o.fl. Fyrsti formaður á bátnum var [[Ólafur Ísleifsson]], [[Miðgarður|Miðgarði]] (nr. 13A) við [[Vestmannabraut]]. Bátur þessi var notaður í Eyjum til ársins 1967, en þá hafði hann verið stækkaður (1942) og efldur að traustleika.''  

''V/b [[Baldur VE-24|Baldur, VE 24]], 55 rúmlestir að stærð. Hann var smíðaður í Danmörku árið 1930, en keyptur til Vestmannaeyja árið 1939. Eigendur voru: [[Jónas Jónsson forstjóri|Jónas Jónsson]] verzlunarmaður og [[Haraldur Hannesson]] í [[Fagurlyst]], sem var formaður á bátnum.''