„Blik 1969/Guðmundur á Háeyri áttræður“: Munur á milli breytinga

Hinn 14. okt. s.1. haust varð einn af kunnustu borgurum þessa bæjar 80 ára. Það er [[Guðmundur Jónsson]] skipasmiður á [[Háeyri]] við Vesturveg.

Guðmundur Jónsson fæddist að Framnesi í Hraunshverfi við Eyrarbakka 1888. Foreldrar hans voru hjónin Jón Guðmundson og Ingibjörg Jónsdóttir. Þau hjón eignuðust 17 börn, 10 syni og 7 dætur.

Eins og flestum er kunnugt, sem bera skyn á sögu byggðarlagsins, þá voru flestir fyrstu vélbátarnir hér keyptir frá Friðrikssundi í Danmörku.

Fyrst í stað vann Guðmundur að bátasmíðunum undir stjórn hins danska skipasmíðameistara og lærði þá mikið af honum. Þeir smíðuðu Trausta, sem legið hefur í fjörunni á Hánefsstaðaeyrum í Seyðisfirði eystra um tugi ára.

Árið 1915 eða þar um bil stofnaði maður nokkur hér til atvinnureksturs og útgerðar. Sá hét [[Sigurgeir Torfason]]. Hann lét smíða hér þrjá vélbáta og greiddi með peningum, sem honum hafði áskotnazt, áður en bannlögin gengu í gildi (1915).

 

Þessa þrjá vélbáta smíðaði Guðmundur Jónsson á Háeyri fyrir þennan nýja útgerðarmann. Þeir voru smíðaðir undir [[Skiphellar|Skiphellum]].

 

Vélbátar þessir hlutu nöfn eiginkonu Sigurgeirs Torfasonar og tveggja dætra hans: [[v/b Helga]], [[v/b Silla]] og [[v/b Lára]]. Ég minnist vélb. Helgu. Hann var notaður hér um árabil við uppskipun á vörum, notaður til að draga uppskipunarbáta utan af [[Vík]] frá vöruflutningaskipum þar, áður en millilanda- og vöruflutningaskip gátu lagzt að bryggju í Vestmannaeyjum. Helga var rúmlega 10 smálestir.

 

Skipstjóri á bát þessum við vöruflutningana var [[Eiríkur Jónsson|Eiríkur fyrrv. skipstjóri Jónsson]], síðar kaupmaður hér í bæ. Þetta var á árunum 1930-1941. Þá áttu bátinn [[Tómas M. Guðjónsson]] og [[Gunnar Ólafsson]]. Hinir bátarnir, Silla og Lára, voru báðir seldir til Eyrarbakka.

 

Síðar smíðaði svo Guðmundur [[v/b Ingólfur|v/b Ingólf]] fyrir [[Sveinn Jónsson (Landamótum)|Svein Jónsson]], útgerðarmann og skipstjóra á [[Landamót]]um.

 

Eins og ég gat um, þá stundaði Guðmundur Jónsson bátasmíðarnar á sumrin og haustin en sótti sjóinn á vetrum. Svo var það um tugi ára. Alls var hann hér vélbátaformaður eða skipstjóri 29 vetrarvertíðir.

 

Árið 1941, er [[Ársæll Sveinsson]] á [[Fagrabrekka|Fögrubrekku]] tók að starfrækja skipasmíðastöð sína í [[Skildingafjara|Skildingafjöru]], [[Skipasmíðastöð Vestmannaeyja]], gerðist Guðmundur starfsmaður hans. Fyrstu 8 eða 9 árin vann hann þar undir stjórn [[Runólfur Jóhannsson|Runólfs Jóhannssonar]] skipasmíðameistara, sem stjórnaði þar verkum til ársins 1951. Það ár réðst Guðmundur Jónsson yfirskipasmiður þessarar skipasmíðastöðvar og hafði það verk á hendi til ársins 1962 eða þar til skipasmíðastöðin var leigð hlutafélaginu Skipaviðgerðum, sem starfrækír hana enn.

 

Árið 1911 kvæntist Guðmundur Jónsson [[Jónína Steinunn Sigurðardóttir|Jónínu Steinunni Sigurðardóttur]], dóttur [[Sigurður Sveinsson í Nýborg|Sigurðar húsasmiðs Sveinssonar]] í Nýborg og konu hans, [[Þóranna Ingimundardóttir|Þórönnu]] ljósmóður.

'''KVÆÐI'''<br>