Þórarinn Davíðsson (Löndum)
Þórarinn Davíðsson tómthúsmaður á Löndum fæddist 19. maí 1840 og lést 22. október 1887 á Löndum.
Foreldrar hans voru Davíð Sveinsson bóndi á Blómsturvöllum og Rauðabergi í Fljótshverfi í V-Skaft., f. 30. ágúst 1814 í Mörtungu á Síðu, d. 31. maí 1873 á Geirlandi þar, og kona hans Halldóra Þórarinsdóttir húsfreyja, f. 25. apríl 1818 á Rauðabergi.
Þórarinn var með foreldrum sínum á Blómsturvöllum og Rauðabergi til 1864.
Hann fluttist frá Rauðabergi að Landlyst 1864 og var þar vinnumaður á því ári, í Elínarhúsi 1865-1870, í London 1870-1872, í Frydendal 1872-1879, lausamaður þar 1880-1883, húsmaður í Grímshjalli 1883-1884 með Margréti Hannesdóttur bústýru, húsmaður á Löndum 1884-dd., með Margréti bústýru.
Þórarinn lést 1887 og Margrét 6 dögum síðar.
Hann var ókvæntur og barnlaus í Eyjum.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.