Ásmundur Jón Þórarinsson

Úr Heimaslóð, Sögusetri Vestmannaeyja
Fara í flakk Fara í leit
Ásmundur Jón Þórarinsson.

Ásmundur Jón Þórarinsson rafvirki fæddist 17. ágúst 1959.
Foreldrar hans voru Þórarinn Magnússon kennari í Eyjum og Reykjavík, f. 17. febrúar 1921 í Neðridal í Mýrdal, d. 18. janúar 1999, og kona hans Gunnlaug Rósalind Einarsdóttir húsfreyja, f. 9. janúar 1922 á Bakka í Skeggjastaðahreppi, N-Múl., d. 9. júní 1990.

Börn Gunnlaugar og Þórarins:
1. Ólöf Járnbrá Þórarinsdóttir verkakona, f. 8. október 1951, d. 5. maí 1984. Fyrrum maður hennar Reynir Santos.
2. Sigurður Gísli Þórarinsson framkvæmdastjóri, f. 24. janúar 1953. Kona hans Kristbjörg U. Grettisdóttir Jóhannessonar.
3. Ásmundur Jón Þórarinsson rafvirki, f. 17. ágúst 1959. Kona hans Birna Ólafía Jónsdóttir.
Fósturbörn, yngstu systur Gunnlaugar:
4. Pálína Sigþrúður Einarsdóttir Höjgaard, f. 30. janúar 1936.
5. Svava Einarsdóttir Höjgaard, f. 3. apríl 1937, d. 19. desember 2021.
Fósturbörn, börn Ólafar Járnbrár dóttur þeirra:
6. Rósalind Reynisdóttir, f. 22. janúar 1971.
7. Emil Þór Reynisson, f. 24. febrúar 1972.

Ásmundur var með foreldrum sínum í æsku, á Hrafnagili við Vestmannabraut 29 við Gos 1973.
Ásmundur lærði rafvirkjun í Iðnskólanum í Reykjavík, lauk sveinsprófi þar 1988.
Hann vann hjá Vinnslustöðinni, hjá Rafvélaverkstæðinu Rafeldingu, í Rafboða í Garðabæ og Göflurum í Hafnarfirði.

I. Kona Ásmundar Jóns er Birna Ólafía Jónsdóttir Björnssonar, f. 15. mars 1960 í Eyjum.
Börn þeirra:
1. Bjartey Ásmundsdóttir tækniteiknari, f. 4. maí 1982. Maður hennar Beniamin Alin.
2. Bryndís Björk Ásmundsdóttir sálfræðingur, MA-hagfræði, sérfræðingur í viðskiptagreiningu hjá Samkaupum, f. 12. febrúar 1987. Maður hennar Guttormur Ársælsson.
3. Rebekka Ásmundsdóttir hjúkrunarfræðingur, f. 19. janúar 1996, óg.
4. Kristófer Leví Ásmundsson nemi, f. 21. júlí 2005.


Heimildir

  • Samantekt: Víglundur Þór Þorsteinsson.
  • Ásmundur og Birna.
  • Íslendingabók.
  • Prestþjónustubækur.
  • Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.


Þessi grein tilheyrir Æviskrám Eyjafólks eftir Víglund Þór Þorsteinsson.