Sjómannadagsblað Vestmannaeyja 1976/ Ledd

Ledd

Í landsuður af Heimaey er fiskimið, sem kallað er Ledd og stundum Katrínar-Ledd. Er það miðað þannig: Hábrandur við Suðurey og Hafnarbrekkan frammi. Hafnarbrekkan er í Bjarnarey og á að sjást í hana af miðinu. Mið þetta er afar fiskisælt, en slæmt kargahraun í botni, og var títt, að menn töpuðu þar vaðsteinum sínum eða sökkum.
Það er forn sögn, að miðið dragi nafn af því, að það bar einhverju sinni við, að menn, sem voru þarna á sjó, drógu marbendil. Slepptu þeir honum ekki fyrr en hann hafði sagt til nafns síns. Kvaðst hann heita Ledda, og nefndu þeir miðið eftir honum og hefur það haldist síðan.

Þrír kunnir starfsmenn Vestmannaeyjahafnar. - Frá vinstri: - Sigurgeir Ólafsson, hafnarvörður; Björgvin Jónsson og Sigurjón Valdason á grafarskipinu, Vestmannaey.

(Sögur og sagnir úr Vestmannaeyjum).

• Efnisyfirlit: Sjómannadagsblað Vestmannaeyja