Sigurður Reimarsson
Sigurður Reimarsson er fæddur í Vestmannaeyjum 2. júní 1928 og uppalinn þar. Móðir Sigurðar var úr Reykjavík og faðir hans, Reimar Hjartarson, úr Landeyjum en fjölskyldan bjó á Hásteinsvegi 34 og síðar í Heiðartúni sem Reimar byggði. Þar rak hann einnig rörsteypugerð. Sigurður bjó lengi í húsinu Stakagerði-Vestra, en það var rifið á tíunda áratugnum. Sigurður býr nú á Hraunbúðum.
Sigurður, eða Siggi Reim eins og Eyjamenn kalla hann, starfaði um hríð hjá Lifrarsamlaginu en lengst af starfaði hann hjá Vestmannaeyjabæ við sorphirðu og síðar við hreinsun á götum bæjarins. Siggi Reim er hvers manns hugljúfi og spjallaði hann mikið við Eyjamenn á götunum á meðan hann hreinsaði þær. Nú fer hann í göngur og hefur ekkert látið af spjallinu.
Siggi Reim var brennukóngur á Þjóðhátíðinni í rúmlega hálfa öld.
- Hér má lesa sögu um brennukónginn Sigga Reim.
