Kristinn Guðni Breiðfjörð Hermannsson
Kristinn Guðni Breiðfjörð Hermannsson frá Staðarfelli við Kirkjuveg 53, rafvirki fæddist 4. ágúst 1945.
Foreldrar hans voru Hermann Jónsson sjómaður, vélstjóri, verkamaður, f. 5. desember 1898 á Barmi í Skarðshreppi, Dal., d. 20. júní 1989, og kona hans Þorsteina Margrét Þorvaldsdóttir frá Raufarfelli u. Eyjafjöllum, húsfreyja, f. 21. maí 1913 á Ysta-Bæli þar, d. 15. mars 1976.
Börn þeirra:
1. Kristinn Breiðfjörð Hermannsson, f. 25. desember 1938 í Flatey á Breiðafirði, d. 28. janúar 1943.
2. Kristín Breiðfjörð Hermannsdóttir, f. 2. nóvember 1943 á Staðarfelli, d. 29. júlí 2001.
3. Kristinn Guðni Breiðfjörð Hermannsson rafvirki, f. 4. ágúst 1945.
4. Þorvaldur Sigurjón Hermannsson sjómaður, netagerðarmaður, f. 2. maí 1949 á Hásteinsvegi 5, d. 11. september 2011.
Kristinn var með foreldrum sínum.
Hann varð 4. bekkjar gagnfræðingur í Gagnfræðaskólanum 1962, stundaði nám í rafvirkjun í Iðnskólanum í Eyjum, lauk sveinsprófi 1975. Meistari var Lárus Guðmundsson.
Hann vann um skeið hjá Viðlagasjóði við rafmagn í Sjúkrahúsinu á Gostímanum, vann í 2 ár hjá Árna Rósinkjær í Reykjavík. Hann flutti til Selfoss 1979, vann hjá Kaupfélagi Árnesinga, síðan hjá Árvirki og varð meðeigandi þess.
Hann var gjaldkeri Félags rafiðnaðarmanna á Suðurlandi um skeið.
Þau Margrét Hólmfríður giftu sig 1976, eignuðust eitt barn og Kristinn Guðni fóstraði tvö börn Margrétar.
I. Kona Kristins Guðna, (1. maí 1976), er Margrét Hólmfríður Kristjánsdóttir, f. 21. september 1942 á Ísafirði. Foreldrar hennar voru Kristján Karl Pétursson vélsmiður, síðast í Kópavogi, f. 3. maí 1911 í Súðavík, d. 27. júlí 1972, og kona hans Jóna G. Sigurðardóttir húsfreyja, f. 21. október 1905 á Þorsteinsstöðum í Grýtubakkahreppi, S.-Þing., d. 25. apríl 1986.
Börn þeirra:
1. Margrét Þorsteina Kristinsdóttir hjúkrunarfræðingur, f. 23. febrúar 1977. Maður hennar Marías Halldór Gestsson.
Börn Margrétar Hólmfríðar og fósturbörn Kristins:
2. Linda Jónsdóttir hjúkrunarfræðingur, f. 6. apríl 1963. Maður hennar Valtýr Ármannsson.
3. Jóna Björk Jónsdóttir kennari, f. 14. nóvember 1964. Maður hennar Jóhann Páll Helgason.
Heimildir
Samantekt: Víglundur Þór Þorsteinsson.
- Íslendingabók.
- Kristinn Guðni.
- Prestþjónustubækur.
- Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.
Þessi grein tilheyrir Æviskrám Eyjafólks eftir Víglund Þór Þorsteinsson.