„Sjómannadagsblað Vestmannaeyja 1983/ Skipalyftan hf.“: Munur á milli breytinga

Í mars var langþráðu takmarki náð er [[Herjólfur Ve|Herjólfur]] var tekinn á land og nauðsynlegt viðhald framkvæmt hér heima.<br>

Eftir átta mánaða starfrækslu lyftunnar erum við tiltölulega sáttir við hvernig til hefur tekist. Nokkum tíma tekur að komast inn á þennan markað og þá ekki síst vegna slæmrar fjárhagsstöðu útgerðarinnar í landinu, því minna er um stór verk s.s. endurbyggingu og breytingar en áður var og samkeppnin því harðari.<br>

Flest stærri verkefni eru tilboðsverk og við val milli tilboða skiptir það útgerðir miklu máli hvaða greiðslukjör fást hjá hverjum bjóðanda. Því skiptir miklu hvern stuðning fyrirtækið fær frá lánastofnunum og viðskiptaaðilum.

Í slíkum tilvikum hefur Skipalyftan fengið góðan stuðning frá [[Útvegsbanki Vestmannaeyja|Útvegsbankanum]] og [[Sparisjóður Vestmannaeyja|Sparisjóðnum]].

Framkvæmdum á svæðinu við skipalyftuna miðar lítið áfram enda fjármagn af skornum skammti. Nú er unnið að frágangi stálþils við viðgerðarkant og verður sú aðstaða sem þá skapast til mikilla hagsbóta fyrir starfsemina.<br>

Miklum framkvæmdum er enn ólokið á svæðinu. Eftir er að steypa þekjur, ganga frá lögnum fyrir rafmagn, loft, gas og súr, hefta sandfok, girða svæðið og margt fleira. Því miður hefur ekki tekist að afla fjár til þessara framkvæmda ennþá, en vonandi verður biðin ekki löng, því nauðsynlegt er að ljúka þessum framkvæmdum sem allra fyrst. Það er álit okkar, sem að rekstri Skipalyftunnar stöndum, að aðstaða til skipaviðgerða geti orðið betri hér en annarsstaðar á landinu og hún muni þá laða verkefni hingað. öllum má vera ljóst hversu mikilvægt þetta er, því 85-90% af veltu Skipalyftunnar hf. seinni hluta ársins 1982 var vegna verkefna sem ekki hefðu verið framkvæmd hér í bæ án lyftunnar.

'''Kristján Ólafsson'''

{{Sjómannadagsblað Vestmannaeyja}}