Gunnsteinn Sigurðsson (skólastjóri)
Gunnsteinn Sigurðsson skólastjóri, bæjarstjóri fæddist 26. ágúst 1950 í Eyjum.
Foreldrar hans voru Sigurður Gunnsteinsson framkvæmdastjóri, stöðvarstjóri, f. 4. febrúar 1925 í Stafholti við Víðisveg7B, d. 1. mars 2008, og kona hans Margrét Anna Jónsdóttir frá Ísafirði, húsfreyja, fiskiðnaðarkona, f. 20. júlí 1925, d. 27. september 2016.
Börn Margrétar og Sigurðar:
1. Gunnsteinn Sigurðsson skólastjóri, bæjarstjóri í Kópvogi, f. 26. ágúst 1950. Kona hans er Dýrleif Egilsdóttir húsfreyja, námsráðgjafi, f. 4. apríl 1953.
2. Þorgerður Ester Sigurðardóttir húsfreyja, læknaritari, markaðsstjóri, f. 24. júní 1953 að Hilmisgötu 13. Maður hennar er Einar Ólafsson forstjóri, f. 29. febrúar 1956.
3. Jón Grétar Sigurðsson flugvirki, flugmaður, f. 5. janúar 1959 að Lindarvegi 7 í Kópavogi. Kona hans er Sveinbjörg Eggertsdóttir húsfreyja, fjármálastjóri, f. 18. nóvember 1956. Barnsmóðir hans Guðrún Jónsdóttir.
4. Anna Sigríður Sigurðardóttir húsfreyja, sölumaður, skrifstofumaður, f. 1. febrúar 1966. Maður hennar er Guðni Einarsson rafeindavirki, forstjóri, f. 14. maí 1969.
Gunnsteinn var með foreldrum sínum, flutti með þeim í Kópavog 1958.
Hann lærði húsgagnasmíði í Iðnskólanum í Reykjavík, lauk sveinsprófi 1974, lauk kennaraprófi 1981, stundaði framhaldsnám í Kennaraháskólanum í Kaupmannahöfn 1994-1995.
Gunnsteinn var smíðakennari og almennur kennari í Digranesskóla frá 1974-1994, aðstoðarskólastjóri í Smáraskóla 1995-1997, skólastjóri Lindaskóla frá stofnun 1997-2013, að einu ári undanskildu, 2009-2010, er hann var bæjarstjóri í Kópavogi. Hann var stofnfélagi hjálparsveitar skáta í Kópavogi 1969.
Þau Dýrleif giftu sig 1972, eignuðust fjögur börn.
I. Kona Gunnsteins, (20. maí 1972), er Dýrleif Egilsdóttir kennari, f. 4. apríl 1953 á Sauðárkróki. Foreldrar hennar Jón Egill Einarsson bifreiðastjóri, f. 4. október 1929, d. 6. mars 2007, og kona hans Hallfríður Guðmundsdóttir húsfreyja, lyfjatæknir, f. 29. júní 1931, d. 3. maí 2023.
Börn þeirra:
1. Ester Gunnsteinsdóttir sjúkraþjálfari, f. 19. ágúst 1971. Maður hennar Már Þórarinsson.
2. Árni Gunnsteinsson flugvirki, f. 14. febrúar 1974. Kona hans Unnur Birna Reynisdóttir.
3. Hallfríður Gunnsteinsdóttir tannlæknir, f. 27. febrúar 1980. Maður hennar Friðrik Ómarsson.
4. Sigríður Alma Gunnsteinsdóttir verkfræðingur, f. 19. maí 1986. Maður hennar Ásgeir Haukur Einarsson.
Heimildir
- Samantekt: Víglundur Þór Þorsteinsson.
- Gunnsteinn.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Morgunblaðið 10. maí 2023. Minning Hallfríðar Guðmundsdóttur.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.