Blik 1961/Ósk til fermingarbarna, kvæði

Efnisyfirlit 1961

HALLDÓR KOLBEINS:

Ósk til fermingarbarna

Lán þér fylgi lífs þíns daga.

Ljúf þín verði æfisaga.

HAMINGJA ÞÉR HLOTNIST RÍKUST.

Hún er æfintýri líkust.

Allar beztu óskir rætist.

Alltaf dýrðarperlur bætist

æfi þinnar unaðsfesti. —

Alla varast skaltu lesti.

SÉ UM HÖND ÞÉR SÓLARLJÓMI

SÆMDARSTARFA OG KÆRLEIKSVILJA. —

Hugarfar þitt alltaf ómi

yndissýnum þess að skilja,

hvernig á að vaka og vinna,

vera ötull, góðu sinna,

skyldunnar á skýrum vegi

skapa ljós á hverjum degi.

Heillaríkur, heppinn vertu.

Hamingjunnar barnið sértu.

MARKMIÐ HÁTT þér gjafir gefi,

gæfukyrtil um þig vefi. —

Fram um veg þig vonin leiði,

víli og dapursýnum eyði.

Trúarhugur fót þinn frelsi

frá að lenda í syndahelsi.

Vertu trúr í hönd og hjarta.

Hyll þú kærleiksstefnu bjarta. —

Líknarríkum ljóss í anda.

DYGGÐAGULL Í DÁÐIR SÆKTU.

DRENGSKAP JAFNAN ERGÐU OG RÆKTU.

GANGA ÞÍN SÉ GÆFUSAGA.

GUÐ ÞIG BLESSI ALLA DAGA.

Hjartanlegar hamingjuóskir á fermingardaginn.

Ofanleiti í Vestmannaeyjum, 22. maí 1960

HALLDÓR KOLBEINS.