Björn Bjarnar Guðmundsson

Úr Heimaslóð, Sögusetri Vestmannaeyja
Fara í flakk Fara í leit
Björn Bjarnar Guðmundsson.

Björn Bjarnar Guðmundsson frá Hákonarhúsi við Kirkjuveg 88, verkamaður, matreiðslumaður fæddist þar 11. nóvember 1941 og lést 11. október 2015 á Spáni.
Foreldrar hans voru Guðmundur Kristján Hákonarson sjómaður, húsasmiður, f. 20. september 1915 í Merkinesi í Höfnum, Gull., d. 4. febrúar 2006, og kona hans Halldóra Kristín Björnsdóttir húsfreyja, f. 3. apríl 1922 í Víðidal, d. 13. október 2021 í Hraunbúðum.

Börn Halldóru og Guðmundar:
1. Björn Bjarnar Guðmundsson, f. 11. nóvember 1941 á Kirkjuvegi 88, d. 11. október 2015. Fyrrum kona hans Þórey Þórarinsdóttir, fyrrum kona hans Aðalheiður Ósk Sigurðardóttir. Kona hans Erna Guðmundsdóttir.
2. Halldór Ingi Guðmundsson, f. 14. október 1946 á Kirkjuvegi 88. Kona hans Anna Þóra Einarsdóttir.
3. Guðmundur Guðmundsson, f. 12. október 1950 á Sjúkrahúsinu. Kona hans Sigríður Stefánsdóttir.
4. Ólafur Guðmundsson, f. 27. janúar 1952 á Kirkjuvegi 88. Kona hans Valgerður Karlsdóttir.
5. Eygló Guðmundsdóttir, f. 17. apríl 1956 að Kirkjuvegi 88. Maður hennar Þór Kristjánsson.
6. Bjarni Ólafur Guðmundsson, f. 10. febrúar 1963 á Sjúkrahúsinu. Kona hans Guðrún Marý Ólafsdóttir.
7. Þröstur Guðmundsson, f. 17. janúar 1965 á Kirkjuvegi 88.

Björn lærði matreiðslu í Reykjavík á áttunda áratugnum.
Hann hóf ungur störf í Fiskiðjunni og síðan við pípulagnir og málningarstörf. Hann fór síðan til sjós á fiskibátum. Hann var árum saman á skipum Hafskipa, síðan vann hann við matreiðslu hjá Bláa lóninu, á Hótel Örk í Hveragerði, Sólvangi í Hafnarfirði og um skeið á Sæbjörgu, skólaskipi Slysavarnafélags sjómanna. Frá 1999-2010 var hann matreiðslumaður starfsmanna í Menntaskólanum í Hamrahlíð.
Þau Þórey giftu sig 1964, eignuðust þrjú börn. Þau bjuggu við Ásaveg 16, en skildu.
Þau Aðalheiður Ósk giftu sig 1975, en skildu.
Þau Erna giftu sig 2005, eignuðust ekki börn saman, en Erna á fjögur börn.
Björn Bjarnar lést 2015.

Björn var þrígiftur.
I. Fyrsta kona hans, (10. apríl 1964, skildu), er Þórey Þórarinsdóttir frá Hólmgarði, húsfreyja, bankastarfsmaður, f. þar 4. ágúst 1945.
Börn þeirra:
1. Dóra Kristín Björnsdóttir, f. 28. júní 1962. Barnsfaðir hennar Guðbjörn Grímsson. Maður hennar Pétur Pétursson.
2. Þórir Grétar Björnsson, f. 6. desember 1965. Barnsmæður hans Íris Dögg Jóhannesdóttir og Jóna Bára Jónsdóttir.
3. Hanna Birna Björnsdóttir, f. 31. desember 1966. Maður hennar Ingólfur Helgason.

II. Önnur kona Björns, (4. júlí 1975, skildu), er Aðalheiður Ósk Sigurðardóttir, f. 27. apríl 1947.

III. Þriðja kona Björns, (2. júlí 2005), er Guðrún Erna Björnsdóttir, f. 9. desember 1944. Hún á fjögur börn úr fyrra hjónabandi.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.