Aðalbjörg Þorkelsdóttir (Sandprýði)

Úr Heimaslóð, Sögusetri Vestmannaeyja
Fara í flakk Fara í leit
Aðalbjörg Þorkelsdóttir.

Aðalbjörg Þorkelsdóttir frá Sandprýði, húsfreyja á Felli fæddist 5. mars 1924 í Sandprýði og lést 16. september 2010 í Hraunbúðum.
Foreldrar hennar voru Þorkell Þórðarson frá Ormskoti í Fljótshlíð, sjómaður, verkamaður, f. 7. desember 1872, d. 14. júlí 1945, og kona hans Guðbjörg Jónsdóttir frá Tungu í Fljótshlíð, húsfreyja, f. 3. júlí 1884, d. 10. desember 1951.

Börn Guðbjargar og Þorkels:
1. Georg Þorkelsson skipstjóri, f. 4. ágúst 1906 á Gjábakka, d. 28. desember 1983.
2. Guðjón Þorkelsson skipstjóri, f. 12. september 1907 í Sandprýði, d. 8. desember 1982.
3. Þuríður Þorkelsdóttir ræstitæknir, forstöðumaður, f. 14. nóvember 1910 í Sandprýði, d. 3. ágúst 1981.
4. Helga Þorkelsdóttir húsfreyja, f. 11. nóvember 1913 í Sandprýði, síðast í Grindavík, d. 22. september 1980.
5. Húnbogi Þorkelsson vélvirkjameistari, f. 7. janúar 1916 í Sandprýði, d. 9. apríl 2002.
6. Bernódus Þorkelsson skipstjóri, f. 3. júní 1920 í Sandprýði, d. 11. febrúar 1957.
7. Aðalbjörg Þorkelsdóttir húsfreyja, starfsmaður Íþróttamiðstöðvarinnar, f. 5. mars 1924 í Sandprýði, d. 16. september 2010.
Fósturbarn Guðbjargar og Þorkels var
8. Helga Árnadóttir Bachmann húsfreyja, f. 26. júlí 1931, d. 16. nóvember 1999, en hún var dóttir Þuríðar dóttur þeirra.

Aðalbjörg ólst upp með fjölskyldu sinni í Sandprýði, vann ýmis störf eftir fermingu.
Þau Magnús giftu sig 1945, eignuðust fjögur börn. Þau bjuggu fyrsta árið í Sandprýði, þá eitt ár á Höfðabrekku, en síðan á Felli við Vestmannabraut allan sinn búskap, en dvöldu að síðustu í Hraunbúðum.
Aðalbjörg vann með heimilisstörfum við fiskiðnað í Fiskiðjunni og síðast í Íþróttamiðstöðinni.
Magnús lést 2008 og Aðalbjörg 2010.

I. Maður Aðalbjargar, (8. desember 1945), var Magnús Grímsson skipstjóri frá Felli, f. 10. september 1921, d. 16. desember 2008.
Börn þeirra:
1. Magnea Guðrún Magnúsdóttir, f. 28. desember 1942 í Sandprýði. Maður hennar er Hannes Haraldsson.
2. Grímur Magnússon, f. 19. apríl 1945 í Sandprýði. Kona hans er María Ármannsdóttir.
3. Helga Magnúsdóttir, f. 18. apríl 1948 á Felli. Maður hennar er Jón Ragnar Sævarsson.
4. Hafdís Magnúsdóttir, f. 18. janúar 1958. Maður hennar er Jón Ólafur Svansson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.