„Sjómannadagsblað Vestmannaeyja 1993/Vertíðarspjall 1993“: Munur á milli breytinga

Þessi nefnd var hápólitísk og virtist valið í nefndina byggjast á því fyrst og fremst að menn hefðu réttar pólitískar skoðanir, og að jafnmargir væru frá hvorum stjórnarflokki. Að vísu áttu nefndarmenn að hafa samband við samráðsnefnd svokallaðra hagsmunaaðila í sjávarútvegi, svo og sjávarútvegsnefnd Alþingis, en það samband mun víst hafa gleymst að mestu. Til marks um það hvað stjórnmálamennirnir töldu þessa nefnd áhrifamikla er rétt að minna á að fæðing hennar gekk mjög brösullega þar sem báðir stjórnarflokkarnir kröfðust þess að höfuð nefndarinnar væri úr þeirra röðum. Þetta vandamál leysti sjávarútvegsráðherra á alveg einstaklegan og ef til vill heimsfrægan hátt og nefndarformennirnir urðu tveir, hvor úr sínum stjórnarflokki, og „Tvíhöfði“ varð til.<br>

Mjög lítið hefur frést af störfum nefndarinnar þá tuttugu mánuði sem hún hefur starfað. Þó hefur öðru hvoru lekið út að samkomulagið í ýmsum málum væri álíka erfitt og fæðingarhríðirnar, og til þess að nefndin gæti lokið störfum varð ríkisstjórnin að ganga frá samkomulagi um stærsta ágreiningsmálið, Þróunarsjóð sjávarútvegsins.<br>

Nefndin lét sextán tillögur frá sér fara, en ríkisstjórnin kom í veg fyrir frekara rifrildi um Þróunarsjóð sjávarútvegsins.<br>

Fyrst er lagt til að rannsóknir á lífríkinu í hafinu verði auknar, og geta allir verið sammála um það.<br>

Númer tvö er að aflamarkskerfið verði fest í sessi. Um þetta eru skoðanir allskiptar, en fleiri hallast þó að því að því miður verði ekki komist hjá því að stjórna veiðunum og skammta aflann, og sé aflamarkið skársti kosturinn til þess.<br>

Þriðja: Aflamark á keilu, löngu, lúðu, steinbít og blálöngu. Mjög hæpin aðgerð þar sem stjórnvöld hafa gefið útlendingum verulegan veiðirétt á flestum þessum tegundum, en kvótasetning myndi auðvelda þeim að ná þessum afla.<br>

Sjötta tillagan er sú að á meðan við þurfum að skammta aflann þannig að allir fái of lítið, þá komist enginn undan því að taka þátt í þeirri skömmtun.<br>

Mér finnst sjöunda tillagan eðlileg, en hún gengur út á það að verði tvöföldun kvóta vegna línuveiða afnumin, þá fái þau skip, sem þessar veiðar hafa stundað, ákveðið aflareynslu-aflamark.