„Sjómannadagsblað Vestmannaeyja 1962/ Gísli Magnússon, skipstjóri frá Skálholti“: Munur á milli breytinga

Hann var fæddur í Ásahreppi, Rangárvallasýslu, en fluttist hingað til Vestmannaeyja árið 1897, tólf ára gamall, og átti hér heima upp frá því.<br>

Að minnast Gísla Magnússonar sem skyldi væri nóg efni í stóra bók, því að svo mikill athafna- og atorkumaður var hann alla sína ævi. En þess er ekki kostur hér, og verða þetta því aðeins nokkur orð og stiklað á því stærsta, svo að mynd hans og minning geymist í Sjómannadagsblaðinu okkar.<br>

Áður en Gísli flutti hingað til Eyja, átti hann við mjög slæm kjör að búa, klæðleysi og oft sára svengd eða hungur. Hann kom því hingað örsnauður af veraldarauði. En samt var hann ekki allslaus, því hann átti óbilandi kjark og framúrskarandi athafnaþrá, sem átti eftir að sýna sig í verki og framkvæmdum, er honum óx fiskur um hrygg.<br>