Ofanleiti

Úr Heimaslóð, Sögusetri Vestmannaeyja
Útgáfa frá 2. júlí 2007 kl. 10:09 eftir Daniel (spjall | framlög) Útgáfa frá 2. júlí 2007 kl. 10:09 eftir Daniel (spjall | framlög)
Fara í flakk Fara í leit
Ofanleiti.

Húsið Ofanleiti stendur utan byggðar fyrir ofan hraun. Þar var fyrrum prestsbústaður Ofanleitissóknar. Hét það áður Kirkjubær fyrir ofan Leiti og stundum kallað á Bæ. Talsverður búskapur var stundaður að Ofanleiti enda jörðin ein hin stærsta í Eyjum, með mikil hlunnindi í fugli, eggjatöku og reka; og áður fyrr nokkrar hjáleigur er tilheyrðu henni: Gvendarhús, Brekkuhús, Svaðkot, Steinsstaðir og Draumbær.

Kirkjugarðurinn við Ofanleiti.

Prestar Ofanleitissóknar sátu að Ofanleiti, allt fram til ársins 1962. Séra Þorsteinn Lúther Jónsson var síðasti presturinn sem þar sat en hann bjó þar ásamt fjölskyldu frá því í september 1961 fram á vor 1962. Eftir það var húsið leigt ýmsum, allt þar til það var rifið árið 1977 en það þótti standa of nærri flugbrautinni og var þar að auki illa farið.

Ofanleiti árið 2005

Valgeir Jónasson smiður byggði nýtt hús í landi Ofanleitis, nokkru norðan og vestan við gamla bæjarstæðið og nefndi það Ofanleiti. Þar er stunduð nokkur alifuglarækt.