Guðmundur Michelsen Guðlaugsson

From Heimaslóð
Jump to navigation Jump to search

Guðmundur Michelsen Guðlaugsson frá Langa-Hvammi, stýrimaður, bátsmaður, netagerðarmaður fæddist þar 7. febrúar 1950.
Foreldrar hans voru Sigurbjörn Guðlaugur Einarsson sjómaður, f. 2. desember 1919 á Fáskrúðsfirði d. 22. september 1966, og kona hans Friðrikka Betúlína Þorbjörnsdóttir húsfreyja, f. 14. júní 1918 í Kjaransvík í Sléttuhreppi, N.-Ís., d. 27. mars 2010.

Guðmundur Michelsen Guðlaugsson.

Börn Friðrikku og Guðlaugs:
1. Einar Björnsson Guðlaugsson sjómaðu, stýrimaður, skipstjóri, f. 6. maí 1945 á Skildingavegi 8, d. 17. desember 2022.
2. Guðrún Elsa Guðlaugsdóttir, f. 27. nóvember 1946 í Jómsborg, d. 21. mars 2005.
3. Guðmundur Michelsen Guðlaugsson, f. 7. febrúar 1950.
4. Friðrik Guðlaugsson trésmiður í Hafnarfirði, f. 8. ágúst 1953 á Skildingavegi 8.

Guðmundur var með foreldrum sínum.
Hann lauk I. og II. stigi í Stýrimannaskólanum í Eyjum 1969-1971, lærði netagerð hjá Ingólfi Theodórssyni, lauk sveinsprófi.
Guðmundur var stýrimaður á Lunda VE 110 1971-1974, stýrimaður á Bjarnarey VE 501 1974-1975, bátsmaður á Vestmannaey VE 54 1975, síðar á Sindra 1977-1978, skipstjóri á honum 1978-1992, skipstjóri á Þórunni Sveinsdóttur 1992-2014. Hann hefur unnið hjá Netagerð Ingólfs og Veiðarfæragerð Vestmannaeyja. Síðustu ár sá hann um veiðarfæri Þórunnar Sveinsdóttur.
Hann bjó á Eyjarhólum við Hásteinsveg 20 1972. Þau Elsa bjuggu síðar í Stóragerði 12.
Þau Elsa giftu sig 1974, eignuðust þrjú börn, en misstu fyrsta barn sitt nýfætt.

I. Kona Guðmundar, (26. október 1974), er Elsa Valgeirsdóttir húsfreyja, f. 27. september 1955.
Börn þeirra:
1. Stúlka, f. 1973, d. sama dag.
2. Birkir Ívar Guðmundsson framkvæmdastjóri, f. 14. september 1976. Kona hans Kristín Ólafsdóttir úr Reykjavík.
3. Þórey Friðrikka Guðmundsdóttir verkfræðingur hjá Icelandair, f. 14. júní 1982. Sambúðarmaður hennar Þorkell Þór Gunnarsson.


Heimildir

  • Samantekt: Víglundur Þór Þorsteinsson.
  • Guðmundur.
  • Íslendingabók.
  • Prestþjónustubækur.
  • Skipstjóra- og stýrimannatal. Guðmundur Jakobsson. Ægisútgáfan 1979.


Þessi grein tilheyrir Æviskrám Eyjafólks eftir Víglund Þór Þorsteinsson.