Ólafur Hermannsson
Ólafur Hermannsson er fæddur í Vestmannaeyjum 1. október 1961. Foreldrar hans eru Hermann Pálsson, sjómaður og vörubílstjóri, fæddur í Vestmannaeyjum 1926, látinn 1999 og Margrét Ólafsdóttir, húsmóðir og verkakona, fædd í Vestmannaeyjum 1930, en hún bjó að Baldri að Brekastíg 22. Ólafur bjó með foreldrum sínum um tíma að Staðarhóli við Kirkjuveg og
Ólafur lærði húsasmíði í Iðnskólanum í Vestmannaeyjum og lauk þaðan sveinsprófi 1981. Meistarabréf í húsasmíði fékk hann 1999.
Hann lauk B.Sc. prófi í byggingatæknifræði frá Tækniháskóla Íslands árið 1987 og hefur starfað hjá VSÓ Ráðgjöf í Reykjavík frá 1989.
Ólafur var virkur í starfsemi Taflfélags Vestmannaeyja á árunum 1975-1982. Árið 1977 varð hann Unglingameistari Vestmannaeyja. Hann var formaður Taflfélags Vestmannaeyja 1979-1982. Ólafur flutti frá Eyjum 1984.
Hann hefur alla tíð verið félagi í Taflfélagi Vestmannaeyja og hefur teflt undir merkjum þess á Íslandsmóti skákfélaga með hléum undanfarin ár. Ólafur er meðlimur í skákklúbbnum Frakkalafinu frá 1993, en klúbburinn hefur starfað óslitið frá 1979.
Eiginkona Ólafs er María J. Ammendrup, B.A. í sálfræði og M.A. í félagsfræði. Hún starfar hjá Advania í Reykjavík. Synir þeirra eru Páll, fæddur 1987 og Ólafur, fæddur 1996. Þau búa í Garðabæ.
Heimildir
- Tekið hefur saman Karl Gauti Hjaltason 2013.