Nemendafélag Framhaldsskólans í Vestmannaeyjum

Um félagið

Við Framhaldsskólann í Vestmannaeyjum er starfrækt nemendafélag. Það heitir Nemendafélag Framhaldsskólans í Vestmannaeyjum, skammstafað NFFÍV. Félagar eru nemendur sem greiða félagsgjöld sem ákveðin eru ár hvert í byrjun hverrar annar. Vefsíða félagsins er eyjar.net/nemo

Tilgangur félagsins

Að gæta hagsmuna nemenda gagnvart skólayfirvöldum og ráðuneyti og virkja nemendur til baráttu fyrir hagsmunum sínum.
Skipuleggja félagsstarfsemi undir merkjum skólans og styðja við bakið á annarri félagsstarfsemi eftir föngum.
Vinna að góðri ímynd Framhaldsskólans á sem flestum sviðum

Um kjör og stjórnskipan

Í stjórn NFFÍV er kosið í lok apríl ár hvert. Kjosið er um formann, varaformann og gjaldkera og er það grunnstjórn félagsins. Grunnstjórnin velur svo með sér þrjá meðstjórnendur. Þeir eru fjölmiðlafulltrúi, íþróttafulltrúi og nýneminn (businn). Á stjórnarfundum hefur hver aðili í grunnstjórn tvöfaldan atkvæðisrétt, en meðstjórnendur hafa hver um sig einfaldan. Samtals 9 atkvæði.

Til að vera kjörgengur til..
.. formanns eða varaformanns þarf nemandi að hafa lokið 3 önnum við skólann eða vera á 18. aldursári
.. gjaldkera þarf nemandi að hafa lokið einni önn við skólann eða vera á 17. aldursári

Formaður NFFÍV er sjálfkrafa fulltrúi í Skólanefnd og Skólaráði. Varaformaður er varamaður hans. Stjórn NFFÍV skal sjá til þess að starfrækt verði vefnefnd innan skólans sem sjái um að halda úti heimasíðu NFFÍV. Stjórn NFFÍV skipar fjölmiðlafulltrúa sem er ritstjóri vefsíðu og blaðaútgáfu félagsins.

Stjórn NFFÍV skal sjá til þess að starfrækt verði íþróttanefnd innan skólans sem skal sjá um að koma á sterkri og fjölþættri íþróttastarfsemi í skólanum. Stjórn NFFÍV skipar íþróttafulltrúa sem sér um skipulagningu slíkra atburða.

Stjórn NFFÍV

Veturinn 2007-2008

Haraldur Pálsson Formaður
Kristinn E. Árnason varaformaður og ritari
Bragi Magnússon gjaldkeri
Sara Sjöfn Grettisdóttir fjölmiðlafulltrúi
Sara Dögg Guðjónsdóttir íþróttafulltrúi
Bjartey Ingibergsdóttir nýnemi (busi)

Fyrri stjórnir

Helstu föstu þættirnir í starfi nemendafélagsins eru:

Busavígsla í upphafi haustannar
Busaball í upphafi haustannar
FÍV cup á haustönn
Prufur fyrir öflugt spurningalið fyrir Gettu Betur á haustönn
Fótboltamót KSÍ milli framhaldsskóla
Lokaball á haust og vorönn
Ýmis mót, eins og spilamót, fótboltaspilsmót, borðtennismót, mottukeppni og fleirra..
Opin vika á vorönn
Árshátíð nemendafélagsins á vorönn
Íþróttadagurinn á vorönn
Auk þessara þátta sér nemendafélagið um margs konar uppákomur á skólaárinu.

Félagsmálafulltrúi og forvarnafulltrúi starfa náið með Nemendafélaginu.