Þórarinn Sigurjónsson
F. í Sætúni í Vestmannaeyjum 26. júlí 1923. For.: Sigurjón Árnason (f. 17. apríl 1891, d. 29. júlí 1986) bóndi og trésmiður að Pétursey í Mýrdal og k. h. Sigríður Kristjánsdóttir (f. 13. maí 1884, d. 16. febr. 1941) húsmóðir. K. (4. júní 1952) Ólöf Ingibjörg Haraldsdóttir (f. 8. júlí 1931) húsmóðir. For.: Haraldur Jóhannesson og k. h. Kristín Sveinsdóttir. Börn: Sigríður (1953), Haraldur (1954), Kristín (1956), Ólafur Þór (1965).
Búfræðipróf Hvanneyri 1943.
Stundaði ýmis störf, svo sem smíðar, pípulagnir, vélaviðgerðir, bifreiðaakstur, og vann við búskap. Bústjóri tilraunabús Búnaðarsambands Suðurlands í Laugardælum frá stofnun þess 1952 til ársloka 1979.
Í stjórn Sambands eggjaframleiðenda 1956 og formaður þess 1957—1979. Í stjórn Verkstjórafélags Suðurlands 1956, formaður 1958—1974. Í stjórn Verkstjórasambands Íslands 1963—1975. Sýslunefndarmaður Hraungerðishrepps 1959—1985. Í stjórn Kaupfélags Árnesinga 1962—1992, formaður frá 1966. Stjórnarformaður Húsmæðraskóla Suðurlands frá 1964. Í stjórn Meitilsins hf., Þorlákshöfn, 1964—1992. Í stjórn Sambands íslenskra samvinnufélaga 1968— 1992. Formaður kjördæmissambands Framsóknarflokksins í Suðurlandskjördæmi 1970—1974, áður gjaldkeri þess. Sat á þingi Alþjóðaþingmannasambandsins 1977—1985. Í stjórn Framkvæmdastofnunar ríkisins 1980—1983. Formaður Þingvallanefndar 1980—1988. Í Veiðimálanefnd ríkisins og formaður hennar 1987—1992. Formaður sauðfjársjúkdómanefndar 1987—1992.
Alþm. Suðurl. 1974— 1987 (Framsfl.).
Heimildir