Þjóðhátíð í Eyjum

Lagið Þjóðhátíð í Eyjum var Þjóðhátíðarlag Vestmannaeyja árið 1991.

Meðan húmið siglir sund

sælufunda leitum.

Göngum saman létt í lund,

lífsins gleði neitum.

Þessi dalur, þetta bál,

þessar fögru nætur.

Veigar dans og vinarmál

verma hjartarætur.

Ástin vekur unga snót,

allt er fegurð vafið.

Bjarma slær á gras og grjót,

Gleym­mér ei og hafið.

Amorskröftum nóttin nær

nötra fjallastráin.

Engin veit hvern endi fær

ævintýraþráin.

Vinur hvert sem ferðu frá

fjalladýrð og meyjum.

Meðan lifir þú munt þrá

þjóðhátíð í Eyjum.

Hærra öll nú hefjum róm

hér við loga bjarta.

Látum bergsins enduróm

ylja hverju hjarta.

Verum kát og frjáls og frí

felum dapurt sinni.

Eyjalögin enn á ný

efla náin kynni.

Lag: Geirmundur Valtýsson

Texti: Guðjón Weihe