Jóhann Hlíðar
Séra Jóhann Hlíðar, sóknarprestur, var varaþingmaður af lista Sjálfstæðisflokksins í Suðurlandskjördæmi. Jóhann sat á Alþingi í apríl 1970. Hann var fæddur á Akureyri þann 25. ágúst 1918. Foreldrar hans eru Sigurður E. Hlíðar alþingismaður og Guðrún Luisa Hlíðar.
Jóhann varð stúdent á Akureyri 1947. Tók guðfræðipróf frá Háskóla Íslands 1946. Stundaði framhaldsnám í kennimannlegri og samstæðilegri guðfræði við Menighedsfakultetet í Osló 1946-1947. Hann kynnti sér unglingafræðslu og störf presta í Stokkhólmi veturinn 1953-1954. Jóhann kynnti sér starf M. R. A. -hreyfingarinnar í Caux í Sviss 1949.
Hann var ráðinn til starfa hjá Sambandi íslenskra kristniboðafélaga frá 1. september 1947. Jóhann var kallaður til prédikunarstarfa á vegum þess og vígður prestsvígslu 18. janúar 1948 og gegndi því starfi til 1. október 1953. Síðar settur sóknarprestur í Hvanneyrarprestakalli í Siglufirði 15. Júlí 1951 og til 15. september sama ár. Var settur aðstoðarprestur í Vestmannaeyjaprestakalli 1954 og seinna meir sóknarprestur þar frá 1956 til 1972. Síðar sóknarprestur í Nesprestakalli í Reykjavík 1972-1975, en gegndi íslenska prestsembættinu í Kaupmannahöfn síðan. Starfaði sem kennari við Menntaskólan á Akureyri 1949-1952 og seinna meir kennari við Gagnfræðiskólann í Vestmannaeyjum 1954-1970 og stýrimannaskólanum í Vestmannaeyjum frá 1967 til 1969.
Heimildir
- Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.