Ólafur Ó. Lárusson
Ólafur Ó. Lárusson, héraðslæknir 1925 til 1951. Fæddur að Sjónarhóli á Vatnsleysuströnd 1. september 1884. Foreldrar: Lárus smáskammtalæknir þar og dbrm, síðar í Reykjavík Pálsson og kona hans Guðrún Þórðardóttir bónda að Höfða á Vatnsleysuströnd Jónssonar. Stúdent í Reykjavík 1905 og próf í læknisfræði frá Læknaskólanum 1910. Starfaði tímabundið við sjúkrahús erlendis. Skipaður héraðslæknir í Hróarstunguhéraði 1911, ásamt Fljótsdalshéraði og héraðslæknir í Vestmannaeyjum 1925, jafnframt læknir við franska sjúkrahúsið þar til 1928 og síðar við sjúkrahús Vestmannaeyja. Hann lét af störfum sem héraðslæknir 1951 og andaðist í Vestmannaeyjum 1952. Kona hans var Sylvía Níelsína Guðmundsdóttir útvegsbónda og kaupmanns á Stóru Háeyri á Eyrarbakka Ísleifssonar og áttu þau tíu börn.
Heimildir
- Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.