Páll V. G. Kolka

Páll V. G. Kolka, læknir 1920 til 1934. Fæddur að Torfalæk í Ásum 25. janúar 1895. Sonur Guðmundar bónda þar Guðmundssonar og konu hans Ingibjargar Sólveigar Ingimundardóttur Smáskammtalæknis og bónda á Tungubakka í Laxárdal Sveinssonar. Varð stúdent í Reykjavík 1913 og lauk læknisprófi frá Háskóla Íslands 1920. Stundaði framhaldsnám erlendis bæði í Evrópulöndum og Bandaríkjunum. Stundaði almennar lækningar í Vestmannaeyjum 1920 til 1934 og jafnframt sjúkrahúslæknir þar 1930 til 1934 og settur héraðslæknir um tíma 1924 til vors 1925. Skipaður héraðslæknir á Blönduósi 1934 og gendi því embætti til ársloka 1959. Sat sem fulltrúi Íslands á alþjóðaráðstefnum lækna og ýmsum læknaþingum og ráðstefnum. Hann tók virkan þátt í félagsmálum og stjórnmálum meðan hann dvaldi í Vestmannaeyjum. Átti sæti í bæjarstjórn þar 1926 til 1934 og forseti bæjarstjórnar 1930 til 1934. Hann andaðist í Reykjavík 1971. Kona hans var Guðbjörg Guðmundsdóttir bónda í Hvammsvík í Kjós Guðmundssonar og áttu þau 4 börn.'