Vilhelm G. Kristinsson

Vilhelm G. Kristinsson er fæddur 14. desember 1947. Vilhelm er kvæntur Kristíönu Baldursdóttur og eiga þau samtals sex börn.

Vilhelm lauk námi við Verslunarskóla Íslands 1967, hefur síðan starfað á dagblöðum, útvarps- og sjónvarpsstöðvum sem blaðamaður, frétta- og dagskrárgerðarmaður. Rak um nokkurra ára skeið í félagi við aðra eigið fyrirtæki á sviði almenningstengsla. Vann um tveggja ára skeið sem ritstjóri hjá Vöku - Helgafelli. Hefur unnið við ritstörf í hálfu starfi frá 1999.

Vilhelm fluttist til Vestmannaeyja árið 2005 og sér nú um viðtal vikunnar í vikublaðinu Vaktin sem er borin út frítt í öll hús í Vestmannaeyjum á hverjum fimmtudegi.