Henrik Linnet
Henrik Linnet var héraðslæknir á árunum 1960 til 1964. Hann fæddist á Sauðárkróki 12. júni 1919. Sonur Kristjáns Linnet sýslumanns þar og síðar bæjarfógeta í Vestmannaeyjum og Jóhönnu Júlíusdóttur.
Hann varð stúdent frá Menntaskólanum í Reykjavík árið 1939 og cand. med. frá Háskóla Íslands 1947. Henrik vann á sjúkrahúsum bæði heima og erlendis. Hann var skipaður héraðslæknir í Bolungarvíkurhéraði árið 1949, Hvolshéraði árið 1956 og síðan héraðslæknir í Vestmannaeyjum árið 1960 og gegndi því starfi til 1964 þegar hann gerðist starfandi læknir í Reykjavík og jafnframt aðstoðarlæknir við röntgendeild Landspítalans.
Kona hans var Svana Vernharðsdóttir hjúkrunarkona og áttu þau saman fjögur börn.
Heimildir
- Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.