Kumbaldi
Húsið Kumbaldi stóð við Strandveg 4. Það var timburhús austan við Hraðfrystistöðina. Áfast Kumbalda að norðan var fiskaðgerðarhús með hallandi þaki.
Húsið var fiskgeymsluhús fyrir blautfisk yfir vertíðina og fyrir þurrfisk að sumrinu. Þegar húsið var ekki notað til fiskgeymslu var húsið samkomuhús Eyjamanna. Þá var húsið notað til veisluhalda, leiksýninga og grímudansleikja. Var það aðallega notað til þessa á síðustu áratugum 19. aldarinnar og fram yfir aldamót 1900. Kumbaldi brann til kaldra kola 8. janúar 1950.
Heimildir
- Karl Guðmundsson. Ég man þá tíð... Sjómannadagsblað Vestmannaeyja 1975.