Sigurður Sigurfinnsson (hreppstjóri)
Sigurður Sigurfinnsson var fæddur 6. nóvember 1851 í Ysta-bæli undir Eyjafjöllum, og lést 8. september 1916. Sigurður fluttist til Eyja árið 1872 og hóf sjómennsku. Hann varð fljótt formaður, bæði á opnum bátum og hákarlaskútum. Hann var í hópi þeirra fyrstu til þess að kaupa vélbát til Eyja, en það var Knörr sem hann átti í félagi við fleiri. Sigurður seldi Knörr ári síðar og smíðaði sér sjálfur bát sem hann kallaði Skeið. Á þeim bát var hann formaður tvo vetur en eftir það hætti hann formennsku. Sigurður var að mestu leyti sjálfmenntaður í siglingafræði og sigldi hann á seglum frá Noregi á Knerri. Þeir voru tíu sólarhringa á leiðinni og lágu undir Hjaltlandi um nokkurn tíma vegna veðurs.
Sigurður var hreppstjóri í tvo áratugi og framámaður í bæjarfélaginu frá upphafi. Sigurður var faðir Einars ríka og Högna Sigurðssonar.
Heimildir
- Hilmir Högnason. Munnleg heimild.
- Sjómannablaðið Víkingur. Farmanna- og Fiskimannasamband Íslands.