Ágúst Guðjónsson á Voninni

Ágúst Guðjónsson var fæddur 18. ágúst 1906 og lést 8. júlí 1980. Ágúst var sjómaður nær alla sína tíð og var í hópi þeirra átta skipverja af Glað VE sem björguðust í gúmmíbát þegar báturinn sökk þann 11. apríl 1984. Var það í þriðja sinn sem slíkt tæki bjargaði mannslífum á Íslandi en í fyrsta sinn sem allir skipverjar björguðust. Ágúst var lengi með þeim bræðrum frá Holti á Voninni VE og var stundum kallaður Gústi á Voninni. Þó var hann öllu þekktari undir öðru viðurnefni, Gústi slettó, en það mun hann hafa fengið vegna sjúkdóms í fótum er hafði í för með sér að göngulag hans var svipað og hann slettist áfram.