Angantýr Elíasson (Hlaðbæ)

Angantýr Elíasson fæddist í Vestmannaeyjum 29. apríl 1916 og lést 18. júní 1991. Kona hans var Sigríður Björnsdóttir frá Bólstaðarhlíð.

Angantýr, eða Týri eins og hann var gjarnan kallaður, starfaði við embætti bæjarfógetans í Vestmannaeyjum. Síðar var hann hafnsögumaður og hafnarvörður.

Loftur Guðmundsson samdi eitt sinn formannsvísu um Angantýr:

Hrafnkeli goða að hafi snýr

horskur að drengjamati

orðvar og prúður Angantýr

engum veifiskati.