Steingrímur Ágúst Jónsson

Steingrímur Ágúst Jónsson fæddist 15. maí 1954 í Reykjavík. Hann er giftur Þórönnu Sigurbergsdóttur og eiga þau sex börn; Ríkharð (f. 1976), Sigurjón(f. 1978, d. 1996), Björk (f. 1980), Daníel (f. 1986), Kristnýju (f. 1988) og Gunnar (f. 1993).

Steingrímur og Þóranna fluttu til Vestmannaeyja árið 1977. Fyrstu þrjú árin bjuggu þau í K.F.U.M. & K. húsinu. Árið 1980 keyptu þau húsið Ólafsvík við Hilmisgötu 7 og hafa búið þar síðan.

Steingrímur var sjúkraliði í rúma tvo áratugi á Sjúkrahúsi Vestmannaeyja. Árið 2000 hóf hann störf í Hamarsskólanum og var þar í fjóra vetra. Sama ár tók hann við af Snorra í Betel sem forstöðumaður Hvítasunnukirkjunnar og er enn forstöðumaður Betel.