Sjómannadagsblað Vestmannaeyja 2010/Strákarnir í Net
Strákarnir í Net eru klárir í slaginn þegar á þarf að halda. Í vetur kom Sighvatur Bjarnason VE með nótina rifna til heimahafnar og stóð ekki á strákunum í netagerðinni. Elsti strákurinn var Júlíus Hallgrímsson, 89 ára gamall, sem lét sig ekki muna um að hjálpa til. Hann viðurkenndi þó þegar tíðindamaður Sjómannadagsblaðsins kom við, að hann hefði einhvern tímann verið handfljótari. En saman kláruðu strákarnir sitt verk þannig að Sighvatur var kominn aftur á miðin áður en langt um leið.